बुटवल पावरले लाभांश घोषणा गर्दै बोलायो साधारण सभा

बुटवल पावर कम्पनीले गत आर्थिक बर्षको मुनाफाबाट वितरण गर्ने लाभांश घोषणासँगै लाभांश पारित गर्न साधारण सभा समेत आह्वान गरेको छ ।

कम्पनी संचालक समतिले गत आर्थिक वर्षको मुनाफवाट हाल कायम चुक्ता पूँजीको १० प्रतिशत बोनश र १८ प्रतिशत नगद लाभांश गरी कुल २८ प्रतिशत लाभांश प्रस्ताव गरेको हो ।

कम्पनीले प्रस्तावित लाभांश पारित गर्न पुस २४ गते २७ औं साधारण सभा आह्वान गरेको छ । साधारण सभा प्रयोजनका लागि पुस ९ गतेदेखि शेयरधनी दर्ता किताब बन्द गर्ने जनाएको छ । जस अनुसार कम्पनीको प्रस्तावित लाभांश पाउन पुस ८ गतेसम्म शेयरधनी कायम हुनुपर्नेछ ।

कम्पनीको चुक्ता पूँजी २ अर्ब ४३ करोड रुपैयाँ छ । बोनसपछि चुक्ता पूँजी २ अर्ब ६७ करोड नाघ्नेछ ।