मेट लाइफको नाफा ४० प्रतिशत घट्यो, जीवन बीमा कोषमा सवा २३ अर्ब

मेट लाइफ इन्स्योरेन्स कम्पनीले गत आर्थिक वर्षको चौथौं त्रैमाससम्ममा ३५ करोड ९९ लाख ९३ हजार रुपैयाँ खुद मुनाफा आर्जन गरेको छ ।

अपरिष्कृष्त वित्तिय विवरण अनुसार अघिल्लो आवको चौथो त्रैमाससम्म कम्पनीले खुद मुनाफा ३९.६६ प्रतिशतले घटेको छ । अघिल्लो वर्षको कम्पनीले ५९ करोड ६५ लाख ६७ हजार रुपैयाँ खुद नाफामा थियो ।

कम्पनीको खुद बीमाशुल्क आर्जन १ प्रतिशतले वृद्धि भई ५ अर्ब ४ करोड ८१ लाख ४४ हजार रुपैयाँ पुगेको छ । अघिल्लो आवमा खुद बीमा शुल्क ४ अर्ब ९८ करोड रुपैयाँ थियो । यस्तै कम्पनीले गत आवमा २ अर्ब ७८ करोड ५९ लाख ५८ हजार रुपैयाँ खुद दाबी भुक्तानी गरेको छ । जुन अघिल्लो आवको तुलनामा करिब ३० प्रतिशत कम हो ।

कम्पनीको जीवन बीमा कोष २३ अर्ब २३ करोड ७४ लाख १९ हजार रुपैयाँ रहेको छ भने जगेडा कोषमा २ अर्ब ९६ करोड ४८ लाख ६३ हजार रुपैयाँ सञ्चित छ । यस्तै महाविपत्ति कोषमा ४० करोड ६० लाख ४३ हजार छ । अघिल्लो आवको तुलनामा जीवन बीमा कोष १५.३० प्रतिशत, जगेडा कोष १३ प्रतिशत र महाविपत्ति कोष ९.७३ प्रतिशतले बढेको हो ।

गत आवमा कम्पनीले पुनर्बीमा कमिसनबाट ११ करोड ९ लाख लगानी कर्या तथा अन्यबाट २ अर्ब ८ करोड ८८ लाख रुपैयाँ र बीमालेख धितोबाट १५ करोड ८९ लाख ७४ हजार रुपैयाँ आम्दानी गरेको छ । कम्पनीले अभिकर्ता कमिसन वापत ४७ करोड ६९ लाख रुपैयाँ खर्च गरेको छ ।

गत आवमा कम्पनीको भुक्तानी हुन बाँकी दाबी रकम २८१ वटा संख्याको ६२ करोड ५० लाख ६५ हजार रुपैयाँ रहेको छ । कम्पनीले गत आर्थिक वर्षमा ९ हजार १२ वटा दाबी वापत २ अर्ब ८८ करोड ७४ लाख रुपैयाँको खुद दाबी भुक्तानी गरेको छ । अघिल्लो आर्थिक वर्षको सोही अवधिमा १० हजार ८८१ दाबी वापत ४ अर्ब ८ करोड १७ लाख रुपैयाँको दाबी भुक्तानी भएको थियो । सो समयमा कम्पनीले ४९४ वटा दाबीको ७० करोड १२ लाख रुपैयाँ भुक्तानी गर्न बाँकी थियो ।