आइपीओ ल्याउने तयारीमा रहेको एसवाई प्यानललाई डबल बी रेटिङ, बार्षिक कारोबार साढे ५० करोड

सार्वजनिक निष्काशन गर्ने तयारीमा रहेको एसवाई प्यानल नेपाल लिमिटेडलाई रेटिङ एजेन्सी इक्रा नेपालले डबल बी रेटिङ गरेको छ ।

कोरियन प्रविधिद्धारा उत्पादित प्यानल, युपीभीसी वीन्डो, प्यानल डोर, कोल्ड रुम डोर, रुफीङ प्यानल, कोल्ड रुम च्याम्बर लगायतका सामाग्रीहरुको उत्पादन गर्दै आएको छ । २०७२ सालको महाभूकम्प पछि मानिसहरुले भुकम्प रहित घरहरु निर्माण गरिरहेका छन् । अघिकांश घरहरुमा पछिल्लो समयमा एस वाइ प्यानलद्धारा उत्पादित प्यानल (रुफीङ)को प्रयोग बढ्दै गएको छ ।

आर्थिक वर्ष २०७९/८० मा कम्पनीले ५० करोड ५० लाख (अपरिष्कृत) सञ्चालन आम्दानी गरेको छ । अघिल्लो आर्थिक वर्ष २०७८/७९ मा कम्पनीले ४१ करोड ६० लाख सञ्चालन आम्दानी गरेको थियो । अघिल्लो आर्थिक वर्ष र गत वर्षको सञ्चालन आम्दानी तुलना गर्दा कम्पनीको सञ्चालन आम्दानी २१.३९ प्रतिशतले बढेको हो ।

कम्पनीको व्यापारमा वृद्धि हुँदा आम्दानी बढेको छ भने आम्दानीमा आएको सकरात्मक परिवर्तनसँगै कम्पनीको अन्य वित्तीय सूचांकमा समेत सुधार आएको छ । ह्रासकट्टी, अर्मोटाइजेसन, ब्याज, कर र भाडा सहितको कम्पनीको नाफा अघिल्लो आर्थिक वर्षको तुलनामा बढेको हो । गत आवमा सो नाफा कुल सञ्चालन आम्दानीको १६ प्रतिशत रहेको छ । अघिल्लो आवमा कम्पनीको सो नाफा १४ प्रतिशत थियो ।

सन् २०१७ मा स्थापना भएको कम्पनीमा दक्षिण कोरियाली एस वाइ कम्पनीको लगानी रहेको छ । एसवाइ नेपालमा एस वाइ कम्पनीको सेयर हिस्सा ६३ प्रतिशत रहेको छ । यस्तै बाँकी सेयर एस वाइ कम्पनीका सेयरधनीहरुको रहेको छ । कम्पनीका देशभर ५२ डिलर संस्थाहरु रहेका छन् । माउ कम्पनीको वित्तीय, प्राविधिक तथा माउ कम्पनीले नियुक्त गरेकै प्रमुख कार्यकारी अधिकृतको नेतृत्वमा कम्पनी सञ्चालनमा रहेको छ ।

कम्पनीको एक्सपान्डेड पोलिस्ट्रीन (इपीएस) उत्पादन गर्ने वार्षिक क्षमता ५३ लाख ८० हजार वगै फीट, ६ हजार युनिट युपीभीसी वीन्डो र स्टील डोर ७ हजार ५०० युनिट उत्पादन गर्न सक्ने क्षमता रहेको छ । कम्पनीको फ्याक्ट्री चितवनको रत्ननगरमा अवस्थित छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।