शेयरको आपूर्ति बढ्दा ओरालो लाग्यो बजार, कारोबारले पनि दिएन साथ

नेप्सेमा सूचीकृत कम्पनीहरुले गतबर्षको मुनफाबाट वितरण गरेको बोनश तथा विगतमा बिक्री गरेका हकप्रद शेयरहरु सूचीकृत हुने क्रमले बजारमा आपूर्ति बढ्दा शेयर बजार घट्न थालेको छ ।

शेयरको आपूर्तिले बढ्दा खरिदको चाप घटेको देखिन्छ । जसले समग्रमा बजार सूचक ओारालो लागेको छ भने । बजार ओरालो लाग्दै गर्दा कारोबार रकममा समेत कमि देखिएको छ ।

सूचीकृत कम्पनीहरुले गत आर्थिक बर्षको मुनाफाबाट घोषणा गरेको बोनश लाभांश साधारण सभाबाट पारित हुने र बजारमा कारोबारका लागि सूचीकृत हुने क्रम चलिरहेको छ । कतिपय कम्पनीहरुको साधारण सभा नजिकदै छ भने बीमा कम्पनीहरुको लाभांश तथा साधारण सभा घोषणा हुन नै बाँकी छ ।

आइतबार नेप्से ४.९९ अंकले घटेर ११६२ं४३ विन्दुमा झरेकोे छ । यसदिन १८१ कम्पनीको ४२ करोड २४ लाख बराबरको कारोबार भयो। विहिबारको तुलनामा कारोबार रकम १६ करोड कम हो। सबैभन्दा धेरै नेपाल लाइफको करिब पाँच करोड बराबरको शेयर किनबेच भयो ।

यसदिन कारोबारमा आएकामध्य व्यापार, वित्त, अन्य र जीवन बीमा कम्पनीको बाहेक सबै सूचक नकारात्मक रहे । चार समूहको सूचक सकारात्मक रहदा ८ समूहको सूचक ओरालो लागेको छ ।

यसदिन साल्ट्र ट्रेडिङको शेयर मूल्य झण्डै दश प्रतिशतले बढेर प्रतिकित्ता १९२९ रुपैयाँ पुगेको छ । माउन्टेन हाइड्रो, नेपाल फाइनान्स तथा कन्चन डेभलपमेन्ट बैंक लगायतको शेयर मूल्य बढेको बजारमा प्रोगेशिभ फाइनान्सको शेयरमूल्य सबैभन्दा धेरै ६ प्रतिशत बढीले घटेर प्रतिकित्ता ९८ रुपैयाँमा झरको छ । कृषि विकास बैंक, युनाइटेड मोदी तथा ओरियन्टल होटल लगायतको शेयर मूल्य घटेको छ ।