हुन्डाईको कोना ईभी चार वर्षसम्म चलाउँदा पनि ब्याट्रीको हेल्थ ९५ प्रतिशत

नेपालमा हुन्डाईका गाडी बिक्री गर्दै आएको लक्ष्मी इन्टरकन्टिनेन्टलले चार वर्षसम्म चलाइएका हुन्डाइ कोना विद्युतीय गाडीको ब्याट्रीको शक्ति (एसओसी) ९५ प्रतिशतभन्दा बढी पाइएको जनाएको छ ।

असोज १९ देखि २१ गते सञ्चालन गरिएको ‘हुन्डाई फेस्टिभ कार्निवल’ मा हुन्डाईले हाई भोल्टेज ब्याट्री चेकअप क्याम्प आयोजना गर्दा यस्तो पाइएको हो । जसमा २०० भन्दा बढी कोना ईभीको ब्याट्री परीक्षण गरिएको बताइएको छ ।

आकर्षक बनोट, उत्कृष्ट परफर्मेन्स, भरपर्दो रेन्ज दिने ब्याट्री र रिसेल भ्यालुका कारण कोना नेपालकै अग्रणी विद्युतीय गाडीको रूपमा स्थापित भएको दाबी गरेको हो । सन् २०१९ मा पहिलो ईभी एसयूभीका रुपमा भित्रिएको कोनाका हालसम्म एक हजारभन्दा बढी युनिट बिक्री भइसकेको कम्पनीले जनाएको छ । नेपाली बजारमा हालसम्म रहेका विद्युतीय गाडीमा हुन्डाइ कोना सबैभन्दा बढी सफल र अद्धितीय भएको दाबी कम्पनीको छ ।

सन् २०१९ मा भारतबाट सुरु गरिएको इमिसन इम्पोसिबल नामक मिसनअन्तर्गत कोना इलेक्ट्रिकले विश्वको सबैभन्दा अप्ठ्यारो भू–भागमा ७०० किलोमिटरको यात्रा १७ हजार फिटको उचाइ र माइनस १२ डिग्रीको तापक्रम पार गर्दै सगरमाथाको आधार शिविरसम्म पुगेर गिनिज बुक अफ वल्र्ड रेकर्डमा नाम दर्ता गराएको बताएको छ । यस अभियानमा कोना इलेक्ट्रीकले न्यून तापक्रम, निरन्तर हिमपात र बरफीलो परिस्थिति जस्तो कठोर मौसमी अवस्थामा उच्च प्रदर्शन गरेको थियो ।

नेपालमा सन् २०१९ मा पहिलो चोटी लन्च गरिएको कोना अहिले फेसलिफ्ट भर्सनमा उपलब्ध छ । नेपाली बजारमा बिक्री सुरु भएको हुन्डाई कोना हालसम्म १ हजारभन्दा बढी बिक्री भएको कम्पनीले जनाएको छ । नेपाली बजारमा इलेक्ट्रिक भर्सनमा आएको एसयुभीमा सम्भवतः पहिलो गाडी हुन्डाई कोना हो । पाँच वर्षसम्म बजारमा रहनु र धेरैको पहिलो रोजाइ बन्नुले यो एउटा सफल र सिद्ध विद्युतीय गाडी बन्न सफल भएको कम्पनीको भनाई छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।