नबिल बैंकको लाभांश १२ वर्ष यताकै न्यून

नबिल बैंकले यस वर्ष पछिल्ला १२ वर्ष यताकै न्यून लाभांश वितरण गर्ने प्रस्ताव गरेको छ । बैंकले प्रस्ताव गरेको लाभांश आव २०६७।६८ यता कै न्यून हो ।

बैंक सञ्चालक समितिको मंसिर ७ गते बसेको बैंकको बैठकले गत आर्थिक वर्ष २०७९–८० सम्मको सञ्चित मुनाफाबाट सेयरधनीहरुलाई चुक्ता पुँजीको ११ प्रतिशत नगद लाभांश वितरण गर्ने प्रस्ताव गरेको हो ।

वाणिज्य बैंकहरुमध्ये हरेक वर्ष उच्च लाभांश वितरण गर्दै आएको कम्पनीले पछिल्लो १२ वर्ष यताकै कम लाभांश वितरण गर्न लागेको हो । कम लाभांश वितरण गरेकै वर्ष बैंकले नगद लाभांश मात्र वितरण गर्ने निर्णय गरेको छ ।

बैंकले यसअघि आव २०६९–७० तथा २०७०–७१ बाट अधिकतम ६५ प्रतिशत लाभांश वितरण गरेको थियो । आव २०६७।६८ मा ३० प्रतिशत नगद लाभांश वितरण गरेको बैंकले आव २०७८–७९ बाट पनि चुक्ता पुँजीको १८.५० प्रतिशत बोनस र ११.५० प्रतिशत नगद गरी कुल ३० प्रतिशत नै लाभांश वितरण गरेको थियो ।

यस्ताे छ बैंककाे लाभांश इतिहास:-

? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।