आईएमई लाइफ इन्स्योरेन्स अधिकतम ८० रुपैयाँसम्मको नयाँ बोनसदर सार्वजनिक

0
Shares

आईएमई लाइफ इन्स्योरेन्स कम्पनीले बीमितलाई प्रतिहजार अधिकतम ८० रुपैयाँसम्मको नयाँ बोनसदर सार्वजनिक गरेको छ । गत आर्थिक वर्ष २०७९–८० को वित्तीय विवरणको आधारमा नियामक नेपाल बीमा प्राधिकरणबाट स्वीकृत गराएर नयाँ बोनसदर सार्वजनिक गरेको हो ।

सार्वजनिक वित्तीय विवरण अनुसार सार्वजनिक नयाँ बोनसदर अनुसार आईएमई लाइफका बीमितले प्रतिवर्ष प्रतिहजारमा न्यूनतम २२ देखि अधिकतम ८० रुपैयाँ बोनस पाउनेछन् ।

आईएमई लाइफका बीमितले सामूहिक बाल सावधिक बीमालेखमा बीमितले बीमा अवधि अनुसार प्रतिवर्ष प्रतिहजारमा ३२ देखि ७० रुपैयाँँसम्म बोनस पाउनेछन् । त्यस्तै सावधिक तथा आजीवन बीमालेखमा बीमितले प्रतिवर्ष प्रतिहजारमा ३२ रुपैयाँदेखि ८० रुपैयाँसम्म बोनस पाउनेछन् । यसैगरी अग्रिम भुक्तानी तथा आजीवन बीमालेखमा ३२ देखि ६३ रुपैयाँ, अग्रिम भुक्तानी सावधिक बीमामा ३० देखि ६३ रुपैयाँ बोनस दर पाउनेछन् ।

त्यस्तै, बाल अग्रिम भुक्तानी सावधिकमा बीमाको अवधि अनुसार प्रतिवर्ष प्रतिहजार ३० देखि ६५ रुपैयाँसम्म, बाल अग्रिम भुक्तानी सावधिक बीमामा ३० देखि ६० रुपैयाँसम्म र वार्षिक अग्रिम भुक्तानी बीमालेखमा सबै अवधिमा २२ रुपैयाँ बोनस निर्धारण गरिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।