भारतको जीडीपी घट्ने अनुमानले शेयर बजारमा गिरावट, सेन्सेक्स २०८ अंकले घट्यो

कुल ग्राहस्थ उत्पादन (जीडीपी) मा कमी आउने अन्तराष्ट्रिय मुद्रा कोष (आइएमएफ) को प्रक्षेपणपछि भारतको शेयर बजार सोमबार देखि निरन्तर ओरालो लागेको छ ।

पुन इण्डिया रेटिङगस् एण्ड रिसर्च (फिच समुह) ले पनि आर्थिक वृद्धिदर ५.५ प्रतिशतमा सिमित हुने भनेपनि भारतीय शेयरबजारमा बुधबार उच्च गिरावट आएको हो ।

केही दिन अघि मात्र आइएमएफले भारतको जीडीपी वृद्धिदर ४.८ प्रतिशत प्रक्षेपण गरेको थियो । तर, फिच समुहले आर्थिक वर्ष सन् २०२०/२१ गरेको प्रक्षेपण भने आइएमएफको भन्दा केही माथि रहेको छ । इण्डिया रेटिङ एण्ड रिसर्चले भारतको आर्थिक वृद्धि ५.५ प्रतिशतको हाराहारीमा हुने अनुमान गरेका छ । तर, भारतको राष्ट्रिय तथ्याङ कार्यालयले भने भारतको आर्थिक वृद्धिदर ५ प्रतिशत हुने अनुमान गरेको छ ।

यो सातामा सोमबार, मंगलबार निरन्तर घटेको भारतीय शेयर बजार बुधबार पनि सोही क्रममा रह्यो । कारोबारको पहिलो समयमा सुधारको गतीमा देखिएको भएपनि कारोबार बन्द हुँदा बम्बे स्टक एक्सचेन्ज (विएसी) का सूचक सेन्सेक्स २०८ अंकले घटेको छ । बुधबारको गिरावट पनि विएससी सेन्सेक्स ४१११५.३८ अंकमा झरेको छ ।

त्यसैगरी कारोबारको पहिलो चरणमा सुधारकै गतिमा देखिएको भारतीय नेसनल स्टक एक्सचेन्ज परिसूचक निफ्टी पनि कारोबार बन्द हुँदा ६२.९५ अंकले घटेको हो । बुधबारको गिरावट पनि निफ्टी परिसूचक १२१०६.९० अंकमा रहेको छ ।

कारोबार समयको दौरानमा फिच समुहले भारतीय आर्थिक वृद्धिदरको अनुमान सार्वजनिक गरेपछि घट्न थालेको शेयर बजार कारोबार समय समाप्त हुँदासम्म निरन्तर घटीनै रह्यो ।

बुधबार भारतीय शेयर बजारमा कारोबार भएका रिलायन्स इण्डष्ट्रिज, टीसीएस, नेस्ले, एन्फोसिस, स्टेट बैंक, एचसीएल, महिन्द्रा उण्ड महिन्द्रा, भारती एयरटेल लगायतका केही कम्पनीको सेयर मूल्यमा सुधार आएको छ । तर, टाइटन, एचडीएफसी बैंक, सन फर्मा, ओएनजीसी, हीरो मोटोकार्प लगायतका केही कम्पनीको सेयर मूल्यमा भने गिरावट आएको छ ।

फिच समुहले गरेको प्रक्षेपण अनुसार भारतको आर्थिक अवस्था तत्कालका सुधार नहुने जनाएको छ । भारत सरकारले आगामी वर्षको बजेट मार्फत सम्बोधन गरेर रोजगरी वढाउने तथा सर्वसाधारणको खर्च वृद्धि गर्ने तर्फ ध्यन दिनु पर्ने समेत सुझाएको छ ।