गत आर्थिक वर्ष २०७९–८० को मुनाफाबाट यस वर्ष आठ वाणिज्य बैंकले सेयरधनीको हात खाली पारेका छन् । कोभिड महामारी र अर्थतन्त्रमा आएको मन्दीकाबीच १२ वाणिज्य बैंकले भने धेरथोर लाभांश दिएका हुन् ।
गत आर्थिक वर्षको मुनाफाबाट लाभांश वितरण नगर्ने बैंकहरुमा प्रभु, कृषि, नेपाल बैंक, नेपाल इन्भेष्टमेन्ट मेगा बैंक, हिमालयन बैंक, प्राइम कमर्सियल बैंक, कुमारी बैंक र एनएमबि बैंक रहेका छन् । आर्थिक मन्दीका कारण धेरै कर्जा असुली प्रभावित भएर खराब कर्जा नोक्सनी वापतको व्यवस्था रकम बढ्दा ती बैंकहरुले मुनाफा आर्जन गरेपनि वितरणयोग्य मुनाफा नहुँदा लाभांश वितरण गर्न नसकेका हुन् ।
गत आर्थिक वर्षमा सबैभन्दा धेरै लाभांश एनआईसी एशिया बैंकले दिएको छ। सो बैंकले पछिल्ला दुई वर्षपछि २९ प्रतिशत बोनस र कर प्रयोजनका लागि १.५२ प्रतिशत नगद गरी कुल ३० प्रतिशत लाभांश दिएको हो ।
यस्तै एभरेष्ट बैंकले चुक्ता पुँजीको १० प्रतिशत बोनस र कर प्रयोजनका लागि १०.५३ प्रतिशत नगद गरी कुल २०.५३ प्रतिशत, स्ट्याण्डर्ड चार्टर्ड बै.कले १९ प्रतिशत नगद, सानिमा बैंकले ९ प्रतिशत बोनस र कर प्रयोजनका लागि ५.७० प्रतिशत नगद गरी कुल १४.७० प्रतिशत र माछापुच्छ्रे बैंकले १३.३० प्रतिशत बोनस र कर प्रयोजनका लागि ०.७० प्रतिशत नगद गरी कुल १४ प्रतिशत, नबिल बैंकले ११ प्रतिशत नगद र नेपाल एसबिआई बैंकले ३.७५ प्रतिशत बोनस र कर प्रयोजनका लागि ६.८० प्रतिशत नगद गरी कुल १०.५५ प्रतिशत लाभांश दिएको छ ।
| Sector- Commercial Banks | Stock Symbol | Bonus% | Cash% | Total% | Bookclose | AGM |
| NIC Asia Bank Ltd. | NICA | 29.00 | 1.52 | 30.52 | Ashoj 16, Tuesday | Ashoj 28, Sunday |
| Everest Bank Limited | EBL | 10.00 | 10.53 | 20.53 | Ashoj 16, Tuesday | Ashoj 30, Tuesday |
| Standard Chartered Bank Limited | SCB | 0.00 | 19.00 | 19.00 | Mangsir 7, Thusday | Mangsir 24,Sunday |
| Sanima Bank Limited | SANIMA | 9.00 | 5.70 | 14.70 | Ashoj 22, Monday | Kartik 2, Thusday |
| Machhapuchhre Bank Limited | MBL | 13.30 | 0.70 | 14.00 | Ashoj 8, Monday | Ashoj 18, Thusday |
| Nabil Bank Limited | NABIL | 0.00 | 11.00 | 11.00 | Mangsir 29, Friday | Poush 12, Thusday |
| Nepal SBI Bank Limited | SBI | 3.75 | 6.80 | 10.55 | Mangsir 29, Friday | Poush 13, Friday |
| Global IME Bank Limited | GBIME | 1.00 | 8.00 | 9.00 | Mangsir 13, Wednesday | Mangsir 28, Thusday |
| Laxmi Sunrise Bank Limited | LSL | 7.00 | 0.37 | 7.37 | Poush 19, Thusday | Poush 26, Thusday |
| Citizen Bank International Limited | CZBIL | 0.00 | 5.79 | 5.79 | Ashoj 15, Monday | Ashoj 26, Friday |
| Rastriya Banajya Bank | RBB | 0.00 | 5.50 | 5.50 | Poush 18, Wednesday | Poush 29, Sunday |
| Siddhartha Bank Limited | SBL | 0.00 | 4.21 | 4.21 | Kartik 21, Tuesday | Mangsir 5, Tuesday |
| NMB Bank Limited | NMB | 0.00 | 0.00 | 0.00 | Poush 6, Friday | Poush 26, Thusday |
| Kumari Bank Limited | KBL | 0.00 | 0.00 | 0.00 | Magh 9, Tuesday | Magh 28, Sunday |
| Prime Commercial Bank Ltd. | PCBL | 0.00 | 0.00 | 0.00 | Poush 19, Thusday | Poush 29, Sunday |
| Himalayan Bank Limited | HBL | 0.00 | 0.00 | 0.00 | Poush 20, Friday | Poush 29, Sunday |
| Nepal Bank Limited | NBL | 0.00 | 0.00 | 0.00 | Poush 20, Friday | Poush 29, Sunday |
| Nepal Investment Mega Bank Limited | NIMB | 0.00 | 0.00 | 0.00 | Falgun 24, Thusday | Chaitra 20, Tuesday |
| Agriculture Development Bank | ADBL | 0.00 | 0.00 | 0.00 | Falgun 17, Thusday | Falgun 30, Wednesday |
| Prabhu Bank Limited | PRVU | 0.00 | 0.00 | 0.00 | Baisak 4, Monday | Baisak 20, Thusday |
यस्तै गत आर्थिक वर्षबाट लगानीकर्ताहरुलाई ग्लोबल आईएमई बैंक, लक्ष्मी सनराइज, सिटिजन, राष्ट्रिय वाणज्य बैंक र सिद्धार्थ बैंकले दश प्रतिशतभन्दा कम लाभांश वितरण गरेका छन् । गत आवबाट ग्लोबल आईएमई बैंकले १ प्रतिशत बोनस र कर प्रयोजनका लागि ८ प्रतिशत नगद गरी कुल ९ प्रतिशत, लक्ष्मी सनराइज बैंकले ७ प्रतिशत बोनस र कर प्रयोजनका लागि ०. ७३ प्रतिशत नगद गरी कुल ७.३७ प्रतिशत, सिटिजन बैंकले ५.७९ प्रतिशत नगद, राष्ट्रिय वाणिज्य बैंकले ५.५० प्रतिशत नगद र सिद्धार्थ बैंकले ४.२१ प्रतिशत नगद लाभांश दिएको हो ।
२० वाणिज्य बैंकमध्ये प्रभु बैंक बाहेक १९ ओटाले साधारण सभा सम्पन्न गरिसकेका छन् । प्रभु बैंकले बैशाख २० गते सभा बोलाएको छ भने बैशाख ४ गते मंगलबार बुकक्लोज गर्दैछ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया