नेप्से ऐतिहासिक उचाइमा पुग्दा कुन कम्पनीका शेयरधनीले कमाए, कसले गुमाए ?

जेठ २३ गते आइतबार नेप्से ५०.१४ अंकले बढेर हालसम्मकै उच्च बिन्दुमा पुगेको छ । नेप्से बढेर २९०६.८९ बिन्दुको उचाईमा पुग्दा कारोबार रकमका आधारमा पनि आज हालसम्मकै धेरै रकमको कारोबार भएको छ ।

यसदिन २१८ वटा कम्पनीको १ लाख ७१ हजार ६० वटा संख्यामा ३ करोड ७४ लाख ५५ हजार १८९ कित्ता शेयर खरिद बिक्री हुँदा कारोबार रकम १७ अर्ब २७ करोड १७ लाख ८७ हजार ५२५ रुपैयाँ पुगेको छ । यसअघि जेठ १६ गतेको १७ अर्ब २ करोडको कारोबारको रेकर्ड कायम थियो । नेप्सेमा जेठ २० गते (गत बिहीबार) मात्रै २८५६.७७ बिन्दुमा नयाँ रेकर्ड कायम भएको थियो । दुबै रकेर्ड आज तोडिएको हो ।

बैंकिङ्ग समुह चम्किएपछि कारोबारमा नयाँ रेकर्ड, नेप्से ५० अंकले बढ्दा सूचक २ हजार ९०० बिन्दुमाथि

अब हेरौं आजको कारोबारमा कुन कम्पनीका लगानीकर्ताले कमाए त ?

आइतबारको बजारमा महिला लघुवित्तको शेयरमा लगानी गरेकाले १० प्रतिशतका दरले नाफा कमाएका छन् । यसैगरी गुडविल फाइनान्सका लगानीकर्ताले ९.८९, लुम्बिनी विकास बैंकको लगानीकर्ताले ९.८८, रिडी हाइड्रोपावरका लगानीकर्ताले ९.८७, नेपाल बंगलादेश बैंकका लगानीकर्ताले ९.०७ प्रतिशतले नाफा आर्जन गरेका छन् ।

यसैगरी आइतबारको बजारमा मितेरी डेभलपमेन्ट बैंकको मूल्य ८.९४ प्रतिशत, पोखरा फाइनान्सको ८.८९, मेगा बैंकको ८.७०, नेपाल इन्फ्रासटक्चर बैंकको ८.२६ र लक्ष्मी बैंकको शेयरमूल्य ८.०१ प्रतिशतले बढेको स्टक एक्सचेञ्जले जनाएको छ ।

कुन कुन कम्पनीको शेयर लगानीकर्ताले गुमाए ?

नेप्सेमा कारोबार रकम र सूचकमा नयाँ रेकर्ड कायम भएपनि यसदिनको बजारमा राधी विद्युत कम्पनीको शेयरमा लगानी गरेकाले आइतबारको बजारबाट सवैभन्दा धेरै ८.५६ प्रतिशतले नोक्सानी ब्यहोरेका छन् ।

यसैगरी दिव्यश्वरी हाइड्रोपावरका लगानीकर्ताले ६.९१, नारायणी डेभलपमेन्ट बैंककाले ५.९७, आँखुखोला जलविद्युत कम्पनीकाले ५.४९, युनियन हाइड्रोपावरकाले ५.१४ र घलेम्दी हाइड्रोपावरका लगानीकर्ताले ५ प्रतिशतका दरले घाटा खाएका छन् ।

यस्तै यसदिन मल्टीपर्पस फाइनान्सको शेयरमूल्य ४.६९ प्रतिशत, बेष्ट फाइनान्सको ४.३२, जोशी हाइड्रोपावर ४.३१ र पञ्चकन्या माई हाइड्रोपावरको शेयरमूल्य पनि ४.२० प्रतिशतले घटेको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।