साना किसान विकास लघुवित्तले ३१ करोड २८ लाखको बोनस बाँड्ने

साना किसान विकास लघुवित्त वित्तीय संस्था लिमिटेड (SKBBL) ले गत आर्थिक वर्ष २०७७/७८ को मुनाफाबाट संस्थाका शेयरधनीहरूलाई ३१ करोड २८ लाख ८२ हजार ७३५ रुपैयाँ बराबरको बोनस  वितरण गर्ने भएको छ ।

संस्थाको मंसिर ८ गते, बुधबार सम्पन्न सञ्चालक समितिको बैठकले चुक्ता पूँजीको २५ प्रतिशत बोनस शेयर र कर प्रयोजनका लागि १.३१५७ प्रतिशत नगद गरी कुल २६.३१५७ प्रतिशत लाभांश वितरण गर्ने प्रस्ताव गरेको हो ।

लघुवित्त सञ्चालक समितिको बैठकबाट प्रस्तावित लाभांश राष्ट्र बैंकको स्वीकृत तथा बैंकको आगामी साधारण सभाबाट पारित भएपश्चात मात्र लगानीकर्तामा वितरण हुनेछ ।

हाल लघुवित्तको चुक्ता पूँजी १ अर्ब २५ करोड १५ लाख ३० हजार ९८० रुपैयाँ रहेको छ । प्रस्तावित ३१ करोड २८ लाख ८२ हजार ५७४५ रुपैयाँ बराबरको बोनस शेयर वितरणपछि लघुवित्तको चुक्ता पूँजी १ अर्ब ५६ करोड ४४ लाख १३ हजार ७२५ रुपैयाँ पुग्नेछ ।

लघुवित्त कम्पनीले गत आवबाट प्रस्तावित लाभांश अघिल्लो आवको सरह हो । अघिल्लो आर्थिक वर्ष २०७६/७७ बाट लघुवित्तले २५ प्रतिशत बोनस र कर प्रयोजनका लागि १.३१५७ प्रतिशत नगद लाभांश वितरण गरेको थियो ।

यस्ताे छ विगतकाे लाभांश इतिहासः-

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।