श्री इन्भेष्टमेन्ट एण्ड फाइनान्सको लाभांश घोषणा, बोनस कति?

श्री इन्भेष्टमेन्ट एण्ड फाइनान्स कम्पनी (SIFC) ले गत आर्थिक वर्ष २०७७/७८ को मुनाफाबाट शेयरधनीहरुलाई वितरण गर्ने लाभांश घोषणा गरेको छ ।

फाइनान्स सञ्चालक समितिको बैंकको मंसिर १४ गते, मंगलबार सम्पन्न ३१० औं बैठकले चुक्ता पूँजीको ११ प्रतिशत लाभांश वितरण गर्ने घोषणा गरेको हो ।

जसमध्ये ७.७० प्रतिशतका दरले हुन आउने ६ करोड ८५ लाख ४० हजार १२० रुपैयाँ बराबरको बोनस शेयर तथा ३.३० प्रतिशतका दरले २ करोड ९३ लाख ९४ हजार ७१६ रुपैयाँ बराबरको नगद लाभांश रहेको छ ।

फाइनान्स सञ्चालक समितिको बैठकले प्रस्ताव गरेको उक्त लाभांश नियामक निकाय नेपाल राष्ट्र बैंकबाट स्वीकृत भई संस्थाको आगामी २७
औं वार्षिक साधारण सभाले पारित गरेपश्चात मात्र लगानीकर्तामा वितरण हुनेछ ।

हाल कम्पनीको चुक्ता पूँजी ८९ करोड १ लाख ३४ हजार ८८० रुपैयाँ रहेको छ । प्रस्तावित ६ करोड ८५ लाख ४० हजार १२० रुपैयाँ बराबरको बोनस शेयर वितरण पछि कम्पनीको चुक्ता पूँजी ९५ करोड ८६ लाख ७५ हजार १४५ रुपैयाँ पुग्नेछ ।

फाइनान्सले अघिल्लो आथिक वर्ष ७. ३७ प्रतिशत बोनस शेयर तथा ३.१६ प्रतिशतका दरले नगद गरी कुल १०.५३ प्रतिशत लाभांश वितरण गरेको थियो ।

यस्तो छ विगतको लाभांश इतिहासः-

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।