उतार-चढावका बीच नेप्सेमा सामान्य बढोत्तरी, लगानीकर्ताको रोजाइमा यी कम्पनी

साताको दोस्रो कारोबार दिन सोमबार उतार चढावका बीच नेप्से १.१३ अंकको सामान्य बढोत्तरीसँगै २६५८.७५ बिन्दुमा बन्दमा भएको छ । अघिल्लो दिनको तुलनामा कारोबार रकम पौने २ अर्बले घटेपनि ७ अर्ब २९ करोड ६७ लाखको शेयर खरीद बिक्री भएको छ ।

सोमबारको बजारमा २१२ कम्पनीका १ करोड ५८ लाख ५३ हजार ९९३ कित्ता शेयर ७३ हजार ५९८ पटक खरीद बिक्री भएको हो ।

सोमबार कारोबारमा आएका समुहगत परिसूचक मिश्रित देखिएका छन् । ७८ कम्पनीको मूल्य बढेको बजारमा ११४ कम्पनीको घटेको छ भने २० कम्पनीको स्थीर रह्यो ।

होटल तथा टुरिजम् र ब्यापार सूचक ३ प्रतिशतले बढोत्तरी भएको बजारमा जलविद्युत र अन्य १ प्रतिशत बढीले बढ्दा लघुवित्त, उत्पादनमुलक र म्युचुअल फण्डको सूचक सामान्य रुपमा सकारात्मक बनेको छ । लगानी, निर्जीवन बीमा, बैंकिङ्ग, विकास बैंक, जीवन बीमा र वित्तको सूचक सामान्य ऋणात्मक भएको छन् ।

• अपर तामाकोशीको सर्वाधिक कारोबार

सोमबारको बजारमा अपर तामाकोशीको सबैभन्दा बढी ३४ करोड ७५ लाख रुपैयाँको शेयर कारोबारमा आएको छ । कम्पनीको ३ लाख ९१ हजार २०७ कित्ता शेयर २ हजार ८३६ पटक खरीद बिक्री हुँदै ५.३४ प्रतिशतले मूल्य बढेर ९०८ रुपैयाँमा कारोबार बन्द भएको छ ।

यसैगरी आइएमइ जनरल इन्स्योरेन्सको ३१ करोड ३४ लाख, निफ्रा २८ करोड ९४ लाख, हिमालयन जनरल २५ करोड २५ लाख, एनटिसीको १९ करोड ५ लाख रुपैयाँको शेयर कारोबार भएको छ । नबिल बैंक, चन्द्रागिरी हिल्स, एनआईसी एशिया बैंक, नेपाल रि इन्स्योरेन्स, र रसुवागढी हाइड्रोपावरको पनि १३ करोड बढीको शेयर कारोबार भएको हो ।

• यी ४ कम्पनीका लगानीकर्ताले कमाए

सोमबारको बजारमा चार कम्पनीका लगानीकर्ताले उच्च नाफा आर्जन गरेका छन् । एनआइसी एशिया लघुवित्त, राधी विद्युत कम्पनी, वोमी माइक्रोफाइनान्स र सानिमा जनर इन्स्योरेन्सको शेयरमूल्य सकारात्मक सर्किट लेबलमा बढेका हो । सबै कम्पनीको शेयर करिब १० प्रतिशतले बढ्दै उच्च खरीद माग रह्याृ ।

यसैगरी हिमालयन जनरल, चन्द्रागिरी हिल्स, अपर तामाकोशी, साञ्जेन जलविद्युत, पाँचथर पावर र मल्टिपपर्स फाइनान्सको पनि ४ प्रतिशत धेरैले शेयरमूल्य बढेको छ ।

• गोर्खाज फाइनान्सका लगानीकर्ताले उच्च गुमाए

सोमबारको बजारबाट गोर्खाज फाइनान्सको शेयरमा लगानी गरेकाले सबैभन्दा धेरै गुमाएका छन् । फाइनान्सको शेयर ४.१२ प्रतिशत अर्थात २१ रुपैयाँले घटेर ४८९ रुपैयाँमा झरेको छ ।

यस्तै श्री इन्भेष्ट फाइनान्स, स्वाभिमान लघुवित्तको ३ प्रतिशत धेरैले घट्दा सप्तकोशी डेभलपमेन्ट बैंक, लुम्बिनी जनरल इन्स्योरेन्स, सगरमाथा इन्स्योरेन्स, प्रिमियर इन्स्योरेन्स, सूर्योदय लघुवित्त, घलेम्दी हाइड्रोपावर र घलेम्दी हाइड्रोपावरका लगानीकर्ताले पनि साढे २ प्रतिशत बढीले गुमाएका छन् ।

सोमबार लगानीकर्ताको सम्पत्ति मापक कुल बजार पूँजीकराण ३६ खर्ब ७२ अर्ब ५६ करोड ९८ लाख रुपैयाँ कायम भएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।