नेप्सेमा ६ दिनमा १३० अकंको सुधारपछि दुई अंकको सामान्य करेक्शन

नेपाल स्टक एक्सचेञ्ज (नेप्से) मा लगातार ६ कारोबार दिनमा १३० अंकको नेप्सेमा वृद्धिपछि बुधबार सामान्य करेक्शन आएको छ । बुधबार दुई अंकको करेक्शन आएको हो ।

बुधबार नेप्से सूचक २.८५ अकंले घटेर २६७१.६१ बिन्दुमा झरेको छ । बजारमा सामान्य करेक्शन आए पनि ७ अर्ब रुपैयाँको कारोबार भएको छ । यस दिन २१५ कम्पनीको १ करोड ६५ लाख ९३ हजार ५०१ कित्ता शेयर ७६ हजार ५९१ पटकको कारोबारमा ७ अर्ब २६ करोड ६९ लाख ७२ हजार रुपैयाँ बराबरमा खरिद बिक्री भएको छ ।

बुधबार कारोबारमा आएका १३ समूहमध्ये ६ समूहको परिसूचक बढेको छ भने बाँकी ७ समूहको परिसूचक घटेको छ । होटल एण्ट टुरिजममा सबैभन्दा बढी ६.०२ प्रतिशत बढोत्तरी आएको बजारमा लघुवित्त २.१६ र डेभलपमेन्ट बैंक १.५० प्रतिशतले बढेको छ । बैंकिङ्ग, फाइनान्स, र म्युचुअल फण्डको समूह बढेको छ ।  ब्यापारमा सबैभन्दा धेरे ३.९४ प्रतिशत गिरावट आएको बजारमा जलविद्युत, निर्जीवन बीम, उत्पादन र लगानीको सूचक १ प्रतिशत धेरैले घटेका छन् । जीवन बीमा र अन्यको सूचक पनि सामान्य ऋणात्मक रह्यो ।

यस दिन महिला लघुवित्त, चन्द्रागिरी हिल्स, एनआईसी एशिया लघुवित्त, रिलायन्स फाइनान्स र युनिभर्सल पावर कम्पनी लिमिटेड गरी ६ कम्पनीको शेयरमूल्यमा सकारात्मक सर्किट लागेको छ । यी कम्पनीको शेयर मूल्य ९ प्रतिशतका दरले बढेको छ । त्यस्तै, आज खानीखोला हाइड्रोपावर र ज्योति लाइफ इन्स्योरेन्सको शेयर मूल्य करिब ८ प्रतिशत बढेको छ । हिमाल दोलखा पावर, ग्रीन डेभलमेन्ट बैंक र कर्णाली डेभलपमेन्ट बैंकको शेयरमूल्य पनि ५ प्रतिशत बढीले सुधारिएको छ ।

यसदिन रैराङ हाइड्रोपावरको शेयरमा लगानी गरेका लगानीकर्ताले सबैभन्दा बढी गुमाएका छन् । कम्पनीका शेयरधनीले ७.२६ प्रतिशत अर्थात ३० रुपैयाँ घटेर ३८३ रुपैयाँमा झरेको छ ।  यसैगरी यूनाइटेड इदिमर्दीको ६.०६ प्रतिशत र सानिमा जनरल इन्स्योरेन्सको ५.२४ प्रतिशतले शेयरमूल्यमा ह्रास आएको छ । साल्ट ट्रेडिङ्ग, ङादी ग्रुप पावर, पाँचथर पावर, सानिमा माइ हाइड्रोपावर, हिमालयन पावर पार्टनर, नेशनल हाइड्रोपावर र राधी विद्युत कम्पनीको शेयरमा लगानी गरेकाले पनि ३ प्रतिशत बढीले गुमाएका छन् ।

यस दिनको बजारमा सबैभन्दा धेरै नेपाल इन्फ्रास्टक्चर डेभलपमेन्ट बैंक (निफ्रा) को सबैभन्दा २८ करोड ४ लाख रुपैयाँ भन्दा बढीको कारोबार भएको छ । चिलिमे हाइड्रोपावरको २२ करोड २२ लाख, छिमेक लघुवित्तको १९ करोड ४८ लाख, वोमी लघुव्त्ति १८ करोड ५३ लाख, र नेपाल टेलिकमको १६ करोड ५ लाखको शेयर कारोबारमा आयो । यसदिन नेपाल लाइफ, हिमाल दोलखा रसुवागढी, चन्द्रागिरीहिल्स र अपर तामाकोशीको पनि शीर्ष कारोबार भएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।