पाँच वर्ष भन्दा पुरानो लाभांश बुझिलिन नबिल बैंकको अनुरोध

नबिल बैंकले आफ्ना शेयरधनीहरुलाई पाँच वर्ष भन्दा पुरानो लाभांश बुझिलिन अनुरोध गरेको छ ।

बैंकको २०७२ साल पुस १३ गते सम्पन्न ३१ औं वार्षिक साधारण सभाबाट पारित भएको आर्थिक वर्ष २०७१/७२ को नगद लाभांश बुझिलिन अनुरोध गरेको हो ।

आर्थिक वर्ष २०७१/७२ को नगद लाभांश हाल सम्म पनि कतिपय लगानीकर्ताले नबुझेका कारणले शेयरधीहरुलाई बैंकले यस्तो आग्रह गरेको हो ।

कम्पनीले एक महीनाभित्र बैंकको शेयर रजिष्ट्रार नबिल इन्भेष्टमेण्ट बैंकिङ नेपाल लिमिटेड, नक्साल, काठमाडौंमा सम्पर्क गर्न अनुरोध गरेको छ ।

एक महीनापश्चात पनि शेयरधनीहरुले उक्त लाभांश नबुझेमा लगानीकर्ता संरक्षण कोषमा जम्मा हुने समेत कम्पनीले बताएको छ ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।