साना किसानको पूँजीवृद्धि अनुपातमा नाफा नबढ्दा प्रतिशेयर आम्दानीमा दबाबमा

साना किसान विकास लघुवित्त वित्तीय संस्था लिमिटेड (SKBBL) ले गत आर्थिक वर्षको चौथो त्रैमाससम्ममा ६१ करोड ४९ लाख ९० हजार रुपैयाँ खुद नाफा आर्जन गरेको छ ।

अघिल्लो आवको तुलनामा २५.१२ प्रतिशत पूँजीवृद्धि गरेको लघुवित्तको नाफा १२.१८ प्रतिशतले मात्र बढेपछि प्रतिशेयर आम्दानीम ५.६७ रुपैयाँको गिरावट आएको छ ।

चुक्ता पूँजी १ अर्ब २५ करोड १५ लाख ३० हजार रहेको लघुवित्तको इपिएस ४९.१४ रुपैयाँमा संकुचित बनेको छ ।

लघुवित्तले खुद नाफा ९ प्रतिशतले बढाउँदा सञ्चालन नाफा भने ५.७८ प्रतिशतले घटेको छ । सम्भावित जोखिम बापत ३० करोड ८० लाख रुपैयाँ व्यवस्था गरेपछि सञ्चालन नाफा घटेपनि २० करोड पुरानो खराब कर्जा उठाएपछि लघुवित्तको नाफा बढेको हो ।

समीक्षा अवधिमा लघुवित्तको जगेडा कोष १७.८३ प्रतिशत, सापटी ४.५८ प्रतिशत र कर्जा १४.८१ प्रतिशत, खुद ब्याज आम्दानी ९.०२ प्रतिशत बढेको छ ।

लघुवित्तको खराब कर्जा अनुपात ०.६९ प्रतिशत, प्रतिशेयर प्रतिशेयर नेटवर्थ २८५.८७ रुपैयाँ, मूल्य आम्दानी अनुपात ३३.३७ गुणा छ ।

२०७८ असार मसान्तसम्ममा लघुवित्तले २० अर्ब ३१ करोड ७९ लाख सापटी लिएर २४ अर्ब ५३ करोड ६९ लाख रुपैयाँ कर्जा लगानी गरेको छ । यसबाट लघुवित्तले १ अर्ब २१ करोड ६९ लाख २७ हजार रुपैयाँ खुद व्याज आम्दानी गर्दा कम्पनी ७७ करोड ४० लाख ७६ हजार रुपैयाँ सञ्चालन नाफामा छ ।

संस्थाको जगेडा कोषमा २ अर्ब ३२ करोड ६२ लाख रुपैयाँ सञ्चित छ । अघिल्लो आवमा १ अर्ब ९७ करोड ४१ लाख रुपैयाँ थियो ।

? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।