माधवकुमार नेपालद्धारा ५८ केन्द्रीय सदस्य सहित नयाँ दल दर्ताका लागि आवदेन

एमाले वरिष्ठ नेता माधव कुमार नेपालले पार्टी विभाजन गर्दै आफ्नै नेतृत्वमा नयाँ दल नेकपा एमाले (समाजवादी) दर्ताका लागि निर्वाचन आयोगमा निवेदन दिएका छन् ।

सरकारको सिफारिसमा राष्ट्रपति विद्यादेवी भण्डारीले राजनीतिक दलसम्बन्धी अध्यादेश ल्याएसँगै माधवकुमार नेपाल समूहले ५८ केन्द्रीय सदस्यसहित नयाँ दल दर्ताका लागि निर्वाचन आयोगमा निवेदन दिएको हो ।

संसदीय दल वा केन्द्रीय समितिको २० प्रतिशतले दल विभाजन गर्न सक्ने गरी आएको राजनीतिक दलसम्बन्धी अध्यादेशले नेता नेपाललाई पार्टी फुटाउन सहज भएको हो ।

नयाँ पार्टीमा ९५ सदस्यीय केन्द्रीय कमिटी गठन गरिएको छ भने माधवकुमार नेपाल पार्टी अध्यक्ष रहेका छन् । झलनाथ खनाललाई वरिष्ठ नेता बनाइएको छ ।

यद्यपी नवौं महाधिवेशनदेखि नेपाल खेमामा रहेका बामदेव गौतम, अष्टलक्ष्मी शाक्य, भीम रावल, घनश्याम भुसाल, योगेश भट्टराई लगायतका नेताहरु भने नयाँ पार्टीमा रहेका छैनन् ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।