नबिल ब्यालेन्सड् फण्ड–३ का इकाई खरीदका लागि २५ प्रतिशत धेरै आवेदन

“नबिल ब्यालेन्सड् फण्ड–३ को इकाई खरीदमा बिक्रीको लागि लागि सर्वसाधारणबाट माग गरिएको आवेदन रकम भन्दा २५ प्रतिशतले बढी आवेदन परेको छ ।

नबिल म्युचुअल फण्ड अन्तर्गत सञ्चालन हुने बन्दमुखी योजनाको योजना व्यवस्थापक तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेडका अनुसार सर्वसाधारण लगानीकर्ताहरुको उल्लेखनीय सहभागिता स्वरुप तीन दिनमा कुल १ लाख ४ हजार ७७९ आवेदकहरुबाट करिब १२ करोड ६२ लाख ५५ हजार ४० इकाई खरीदका लागि आवेदन परेको हो ।

योजनाको इकाई बिक्री बन्द भने भोलि मात्र हुने भएकाले माथि उल्लेख गरिएको आवेदन संख्या अझ बढ्ने देखिएको क्यापिटलले जनाएको छ ।

फण्डले भदौ २५ गते शुक्रबारदेखि प्रति इकाई मूल्य १० रुपैयाँ दरको १० करोड इकाई मध्ये न्यूनतम १ करोड ५० लाख वा कुल बिक्री भएको इकाई संख्याको न्युनतम १४ प्रतिशत इकाई कोष प्रवद्र्धक नबिल बैंक लिमिटेड र १ प्रतिशत योजना व्यवस्थापक नबिल इन्भेष्टमेन्ट बैंकिङ्ग लिमिटेडलाई सुरक्षित गरी बाँकी रहेको ८ करोड ५० लाख इकाईमा सार्वजनिक निष्काशन गरेको थियो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।