सिभिल लघुवित्तको नाफा २८२ प्रतिशतले बढ्यो, साढे १८ रुपैयाँले बढ्यो इपिएस

सिभिल लघुवित्त वित्तीय संस्था लिमिटेड (CLBSL) ले गत आर्थिक वर्षको सोही अवधिको तुलनामा चालु आर्थिक वर्षको पहिलो त्रैमासमा २८२.८२ प्रतिशतले खुद नाफा बढाएको छ ।

लघुवित्तले असोज मसान्तसम्ममा १ करोड ५५ लाख रुपैयाँ खुद नाफा आर्जन गरेको हो । गत आवको यसै अवधिमा लघुवित्तले ४० लाख रुपैयाँ खुद नाफा कमाएको थियो ।

चुक्ता पूँजी २४ करोड २१ लाख २१ हजार रुपैयाँ रहेको लघुवित्तको नाफा बढेसँगै वार्षिक प्रतिशेयर आम्दानी पनि १८.५० रुपैयाँले बढेर २५.७३ रुपैयाँ पुगेको छ । लघुवित्तको जगेडा कोषमा १३ करोड २० लाख ८७ हजार रुपैयाँ रहेको छ ।

चालु आर्थिक वर्षको असोज मसान्तसम्ममा लघुवित्तले ७२ करोड ७५ लाख रुपैयाँ निक्षेप संकलन तथा बैंक तथा वित्तीय संस्थाबाट २ अर्ब ४ करोड ६८ लाख रुपैयाँ सापटी परिचालन गरी ३ अर्ब १५ करोड ७६ लाख रुपैयाँ कर्जा लगानी गरेको छ । यसबाट लघुवित्तले ५ करोड २१ लाख ८० हजार रुपैयाँ खुद ब्याज आम्दानी र २ करोड १९ लाख ७३ हजार रुपैयाँ सञ्चालन नाफा आर्जन गरेको छ ।

समीक्षा अवधिमा लघुवित्तको चुक्ता पूँजी ७.६१ प्रतिशत, जगेडा कोष २५६.६९ प्रतिशत, सापटी १३१.८१ प्रतिशत, निक्षेप ६७.०५ प्रतिशत, कर्जा १०६.९३ प्रतिशत, खुद ब्याज आम्दानी १२०.३८ प्रतिशत, सञ्चालन मुनाफा २४३।६५ प्रतिशतले बढेको छ । खुद ब्याज आम्दानी वृद्धि र खराब कर्जा असुलीबाट लघुवित्तको नाफामा आकर्षक सुधार आएको हो ।

लघुवित्तको खराब कर्जा अनुपात घटेर १.८८ प्रतिशतमा झर्दा प्रतिशेयर नेटवर्थ १५३.२० रुपैयाँ, कोषको लागत ६.२६ प्रतिशत र मूल्य आम्दानी अनुपात ५२.१२ गुणा छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।