सिटिजन्स बैंकको ३५ हजार कित्ता संस्थापक शेयर बिक्रीमा

सिटिजन्स बैंक इन्टरनेशनल लिमिटेड (CZBIL) ले कम्पनीका संस्थापक शेयरधनी क्षितिज भुसालको नाममा रहेको ३५ हजार ५३५ दशमलव ९९ कित्ता संस्थापक शेयर बिक्री गर्ने भएको छ ।

बैंकले शुक्रबार एक सूचना जारी गर्दै उक्त शेयर बिक्री गर्ने जनाएको हो । कम्पनीले न्यूनतम बिक्री मूल्य प्रतिशेयर २०४ तोकेर बिक्रीमा ल्याएको हो ।

उक्त शेयर खरीद गर्न इच्छुक योग्य व्यक्ति वा संस्थाले यो सूचना प्रकाशित गरेको आजको मितिले ३५ दिनभित्र कम्पनीको केन्द्रीय कार्यालय, नारायणहिटी पथमा, काठमाडौंमा निवेदन पेश गर्न अनुरोध गरेको छ ।

गत भदौ २ गते सूचना प्रकाशित गरी कम्पनीका विद्यमान संस्थापक शेयरधनीहरुलाई उक्त शेयर खरीद गर्न आह्वान गरेको थियो । सो समयमा उक्त शेयर खरीद गर्न संस्थापकहरुबाट कुनै पनि निवेदन प्राप्त नभएकाले अन्य इच्छुक व्यक्ति वा संस्थालाई उक्त शेयर बिक्री गर्न लागेको हो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।