सानिमा मिडिल तमोर हाइड्रोपावरको साधारण सभा आह्वानः आईपीओ ल्याउने

सानिमा मिडिल तमोर हाइड्रोपावरले सर्वसाधारणमा प्राथमिक शेयर जारी गर्ने विशेष प्रस्ताव सहित पुस १४ गते छैठौ वार्षिक साधारण सभा डाकेको छ ।

कम्पनीको मंसिर १५ गते बसेको सञ्चालक समितिको बैठकले होटल, अकामा धुम्बाराही, काठमाडौंमा बिहान ११ बजे साधारण सभा बोलाउने निर्णय गरेको हो । कोरोना महामारीको जोखिमलाई मध्यनजर गर्दै भर्चुअल माध्यमबाट सभा सम्पन्न गर्ने लागिएको हो ।

सभाको विशेष प्रस्तावमा सर्वसाधारणमा प्राथमि शेयर (आईपीओ) निष्कासन गर्ने तथा सो कार्य गर्नका लागि सञ्चालक समितिलाई अख्तियारी दिने रहेको छ । कम्पनीको जारी पूँजी ३ अर्ब ३३ करोड २५ लाख रहेको छ ।

यसैगरी आईपीओबाट प्राप्त हुने कुल रकमको उपयोग सम्बन्धी वित्तीय योजना तथा रणनीति निर्धारण गर्ने र स्वतन्त्र सञ्चालकको निर्वाचन गर्ने प्रस्ताव पनिसभाले पारित गर्नेछ ।

साथै सभाले आव २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने प्रस्ताव उपर पनि छलफल गरी पारित गर्नेछ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।