अरुण भ्याली हाइड्रोपावरको बोनस सूचीकृत

अरुण भ्याली हाइड्रोपावर कम्पनी (AHPC)  को बोनस सेयर नेपाल स्टक एक्सचेञ्ज (नेप्से) मा मंगलबार सूचीकृत भएको छ ।

स्टकका अनुसार अरुण भ्यालीको चुक्ता पूँजीको १० प्रतिशत बोनस बापतको १५ लाख ७२ हजार ३५९ कित्ता सेयर सूचीकृत भएको हो ।

कम्पनीको गत असोज २४ गते सम्पन्न चौबिसौँ वार्षिक साधारण सभाले उक्त बोनस अनुमोदन गरेको थियो । सभाले सेयरधनीलाई आर्थिक वर्ष २०७७।७८ को मुनाफाबाट चुक्ता पूँजीको १० प्रतिशतका दरले बोनस सेयर र कर प्रयोजनका लागि ०.५२६ प्रतिशत नगद लाभांश वितरण गर्ने प्रस्ताव पारित गरेको थियो ।

साधारण सभा तथा लाभांश वितरण प्रयोजनको लागि कम्पनीले असोज ११ गते बुकक्लोज गरेको थियो । यसअनुसार असोज १० गतेसम्म नेप्सेमा सेयर कारोबार भइ कायम रहेका सेयरधनीले मात्र बोनस पाउनेछन् ।

चौबिसौं वार्षिक सभाले चुक्ता पूँजीको पचास प्रतिशत हकप्रद सेयर जारी गर्ने प्रस्ताव पनि पारित गरेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।