बैंकिङ कसुर मुद्दामा फरार श्रेष्ठ बानेश्वरबाट पक्राउ

बैंकिङ कसुर मुद्दामा फरार  रहेका काठमाडौंका ४१ वर्षीय राजेन्द्रकुमार श्रेष्ठलाइ प्रहरीको केन्द्रीय अनुसन्धान ब्युरो (सिआइबी) ले आज बानेश्वरबाट पक्राउ गरेको  छ ।

उच्च अदालत पाटनले बैंकिङ कसुर मुद्दामा २६ लाख जरिवाना गरेपछि फरार रहेका श्रेष्ठलाई प्रहरीको केन्द्रीय अनुसन्धान ब्युरो (सिआइबी) ले आज बानेश्वरबाट पक्राउ गरेको हो । उनी उच्च अदालतबाट २६ लाख जरिवाना भएपछि फरार रहेका थिए ।

ब्युरोका प्रवक्ता, प्रहरी उपरीक्षक श्यामकुमार महतोले उच्च अदालत पाटनको २०७८ असोज १० गतेको फैसलापछि पाँच दिन कैद र बिगोबमोजिम २६ लाख जरिवाना ठहर गरेपछि फरार रहेका श्रेष्ठलाई पक्राउ गरिएको जानकारी दिए ।

पक्राउ परेका श्रेष्ठले सिभिल बैंक लिमिटेड भक्तपुरको आफ्नो खातामा पर्याप्त मौज्दात नहुँदा नहुदै झुक्याएर चेक दिएर बैंकिङ कसुरजन्य अपराध गरेका थिए ।

उच्च अदालतले श्रेष्ठलाई बैकिङ कसूर तथा सजाय ऐन २०६४ बमोजिम उल्लेखित सजाय हुने गरी फैसला सुनाएको थियो । पक्राउ परेका श्रेष्ठलाई फैसला कार्यान्वयनका लागि आजै काठमाडौं जिल्ला अदालतमा पेश गरिएको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।