गरिमा विकास बैंकको खुद नाफा ४९ करोड २३ लाख, २५ प्रतिशत बढ्यो

गरिमा विकास बैंक लिमिटेड (GBBL) ले चालू आर्थिक वर्षको दोस्रो त्रैमाससम्ममा ४९ करोड २३ लाख रुपैयाँ खुद नाफा कमाएको छ ।

गत आवको यसै अवधिमा ३९ करोड ३५ लाख नाफा कमाएकोमा बैंकको नाफा २५ प्रतिशत वृद्धि भएको हो । खुद ब्याज आम्दानी र सञ्चालन नाफामा वृद्धि भएपछि बैंकको नाफा बढेको हो ।

बैंकको वितरणयोग्य नाफा ३५ करोड ६१ लाख ८८ हजार छ ।

चालू आवको दोस्रो त्रैमासमा बैंकले खुद ब्याज आम्दानी ३९ प्रतिशत र सञ्चालन नाफा २५ प्रतिशत बढाएको छ । बैंकले १ अर्ब १७ करोड ५० लाख रुपैयाँ खुद ब्याज आम्दानी र ७० करोड ३९ लाख १९ हजार रुपैयाँ सञ्चालन नाफा गरेको छ । बैंकले चालू आवको दोस्रो त्रैमाससम्मम ६५ अर्ब ७५ करोड ३६ लाख निक्षेप संकलन गरेर ५८ अर्ब ७१ करोड ७३ लाख कर्जा लगानी गरेको थियो ।

चुक्ता पूँजी ३ अर्ब ९४ करोड ८१ लाख रहेको बैंकको वार्षिक प्रतिसेयर आम्दानी २४.९७ रुपैयाँ छ । बैंकको जगेडामा १ अर्ब १२ करोड ७६ लाख, रिटेन्ड अर्निङमा १ अर्ब ३२ लाख र सेयर प्रिमियममा ६७ लाख ६५ हजार सञ्चित छ ।

यस अवधिमा बैंकको खराब कर्जा अनुपात ०.९६ प्रतिशत, अस्ट अफ फण्ड ७.६६ प्रतिशत, आधारदर ९.७६ प्रतिशत, प्रतिसेयर नेटवर्थ १५४.१४ रुपैयाँ, मूल्य आम्दानी अनुपात २४.१३ गुणा र स्प्रेडदर ४.०७ प्रतिशत छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।