ग्लोबल आइएमई लघुवित्त (GILB) ले सेयरधनीलाई विगत पाँच वर्षअघिको नगद लाभांश रकम ३० दिनभित्र संकलन गर्न अनुरोध गरेको छ ।
लघुवित्तले एक सूचना जारी गर्दै पाँच वर्ष पुरानो (आर्थिक वर्ष २०७२/७३ को) नगद लाभांश बुझिदिन सेयरधनीसँग आग्रह गरेको हो ।
उक्त आर्थिक वर्षमा लघुवित्तले चुक्ता पूँजीको २० प्रतिशत नगद लाभांश वितरण गरेको थियो ।
ग्लोबल लघुवित्तको सेयर रजिष्ट्रार ग्लोबल आईएमई क्यापिटलको कार्यालय नक्साल काठमाण्डौंमा सम्पर्क गरेर नगद लाभांश बुझ्न कम्पनीले अनुरोध गरेको छ ।
हालसम्म पनि सेयरधनीले ५ वर्षअघिको नगद लाभांश लिन नआएपछि कम्पनीले सूचना जारी गरेको हो । नगद लाभांश बुझ्न बाँकी रहेका सेयरधनीको सूची लघुवित्त तथा क्यापिटलको वेवसाइटमा राखिएको छ ।
तोकिएको समय भित्र नगद लाभांश लिन नगएमा उक्त रकम लगानीकर्ता संरक्षण कोषमा पठाइने सूचनामा उल्लेख गरेको छ । नगद लाभांश लिन जाँदा सेयर प्रमाणपत्र वा डिम्याट खाता नम्बरका साथै परिचयपत्र लिएर जानुपर्ने उल्लेख छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया