पाँचथर पावरको संस्थापक सेयर फागुन २३ गतेदेखि सर्वसाधारण सरह कारोबारमा

पाँचथर पावर कम्पनी लिमिटेड (PPCL) को ७८ लाख ८४ हजार कित्ता संस्थापक सेयर फागुन २३ गते सोमबारदेखि सर्वसाधारण सरह कारोबार हुने भएको छ ।

कम्पनीका अनुसार फागुन २३ गतेदेखि पाँचथर पावर कम्पनी लिमिटेडको संस्थापक, स्थानीय बासिन्दा र कर्मचारीकोहरुको कुल ७८ लाख ८४ हजार ३४८ कित्ता सेयरको तीन वर्षको लकिङ अवधि सकिन लागेको हो ।

कम्पनीले सञ्चालन गरेको १४.९० मेगावटको हेवाखोला ए जलविद्युतमा लगानी गरेका संस्थापक सेयरधनीहरूको स्वामित्वमा रहेको ७७ लाख कित्ता, आयोजना प्रभावित क्षेत्रका स्थानीय बासिन्दामा बाँडफाँड भएको १ लाख ७४ हजार ७५० कित्ता र कर्मचारीको लागि बाँडफाँड भएको ९ हजार ५९८ कित्ता सेयरको लकिङ पिरियड सकिएको हो ।

संस्थापक तथा आरक्षण गरिएको सेयरको लकिङ पिरियड सकिएसँगै उक्त सेयरहरु फागुन २३ गते सोमबारदेखि सर्वसाधारणमा परिणमा खरिद बिक्रीको निमित्त परिणत हुने भएको हो । उक्त जानकारी कम्पनीले फागुन १० गते नेपाल धितोपत्र बोर्ड, नेपाल स्टक एक्सचेञ्ज, सिडिएस एण्ड क्लियरिङ्ग लिमिटेड, बिक्री प्रबन्धक सानिमा क्यापिटललाई समेत जानकारी दिएको छ ।

पाँचथर पावर कम्पनी लिमिटेडले सर्वसाधारणमा २०७५ फागुन १३ देखि फागुन १७ गतेसम्म निष्काशन तथा बिक्री खुला गरेर फागुन २३ गते बाँडफाँड गरेको थियो ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।