नेष्डो समृद्ध लघुवित्त वित्तीय संस्था लिमिटेड (NESDO) को पहिलो कारोबार अधिकतम कारोबार रेञ्जभन्दा तल खुला भएको छ । चैत १४ गते सोमबार स्पेशल प्रि ओपन सेसनमा लघुवित्तको लघुवित्तको १० कित्ता सेयर प्रतिकित्ता ७४७.७० रुपैयाँमा पहिलो पटक कारोबार भएको हो ।
जबकि नेप्सेले लघुवित्तको पहिलो सेयर कारोबारको लागि न्यूनतम २६०.८४ रुपैयाँदेखि ७८२.५२ रुपैयाँसम्मको ओपनिङ्ग रेञ्ज प्रदान गरेको थियो । पहिलो कारोबार नै ७८२ रुपैयाँसम्म खुल्नसक्ने भएपनि तल्लो मूल्यबाट कारोबार खुलेको हो । यहि मूल्यलाई आधार मानेर नियमित समयमा कारोबार सुचारु भएको छ ।
सेयर सूचीकरणपछि नेप्सेले संस्थाको पहिलो कारोबारका लागि न्यूनतम २६०.८४ रुपैयाँ देखि अधिकतम ७८२.५२ रुपैयाँसम्म ओपनिङ रेञ्ज दिइएको थियो।
लघुवित्तको सेयर चैत १३ गते आइतबार सर्वसाधारणलाई निष्काशन गरेको ८ लाख २८ हजार ७५० कित्ता र संस्थापकहरुले लगानी गरेको १७ लाख २१ हजार २५० कित्ता गरी २५ लाख ५० हजार कित्ता सेयर नेप्सेमा सूचीकृत भएको थियो ।
लघुवित्तको सेयरलाई एनईएसडिओ कारोबार संकेतमा कारोबारमा आएको छ ।
लघुवित्तले फागुन ११ गतेदेखि फागुन १५ गतेसम्म सर्वसाधारणका लागि प्रतिकित्ता १०० रुपैयाँ अंकित दरका ८ करोड २८ लाख ७५ रुपैयाँ बराबरको ८ लाख २८ हजार ७५० कित्ता आईपीओ निष्कासन गरेको थियो । जसमध्ये जारी पूँजीको ०.५ प्रतिशत अर्थात १२ हजार ७५० कित्ता सेयर कर्मचारीहरुका लागि, ५ प्रतिशत अर्थात ४१ हजार ४ सय ३७ कित्ता सेयर सामूहिक लगानी कोषका लागि छुट्याइएर बाँकी रहेको ७ लाख ७४ हजार ५६३ कित्ता साधारण सेयर सर्वसाधारणमा जारी गरेको थियो ।
आईपीओ भाग्यमानी ७७ हजार ४५६ जनाले १० कित्ता सेयर प्राप्त गरेका छन् । सेयर पाएकामध्ये ३ जनाले थप एक।एक कित्ता गरी ११ कित्ता पाएका थिए । आईपीओमा अन्तिम दिनसम्ममा २५ लाख २७ हजार १ सय १ जनाबाट २ करोड ८७ लाख ८१ हजार ५ सय २० कित्ताका लागि आवेदन परेको थियो । २५ लाख २२ हजार ९ सय ५५ जना योग्य थिए भने ४ हजार १४६ जनाको आवेदन रद्द थियो ।
लघुवित्तको सेयर रजिष्ट्रार ग्लोबल आईएमई क्यापिटल लिमिटेड रहेको छ ।
? समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया