शाइन रेसुङ्गाको ४६ हजार संस्थापक सेयरमा बोलपत्र पेश गर्ने आज अन्तिम दिन

शाइन रेसुङ्गा डेभलपमेन्ट बैंक लिमिटेडले लिलाम बढाबढमा बिक्रीमा ल्याएको ४५ हजार ९९१ कित्ता संस्थापक सेयरमा आवेदन दिने आज अन्तिम दिन रहेको छ ।

उक्त सेयर खरीद गर्न इच्छुक लगानीकर्ताहरुले आज बिहीबार (वैशाख २२ गते) कार्यालय समयभित्र एनआईसी एशिया क्यापिटल लिमिटेडको कार्यालय बबरमहल, काठमाण्डौंमा आवेदन दिनुपर्नेछ ।

बैंकले बैशाख बुधबारदेखि बिक्रीमा ल्याएको उक्त सेयर संस्थापक सेयरधनीहरुसँगै अन्य जो कोही व्यक्ति तथा संस्थाहरुले समेत खरीद गर्न पाउनेछन् ।

उक्त सेयरको मूल्य प्रतिकित्ता न्यूनतम १८५ रुपैयाँ तोकिएको छ । आवेदकहरुले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने व्यवस्था छ ।

सेयर खरीदका लागि बोलपत्र पेश गर्दा न्यूनतम १ हजार कित्ता र अधिकतम सम्पूर्ण कित्तासम्म माग गर्न सकिनेछ । बैंकको साधारण सेयर बुधबार धितोपत्रको दोस्रो बजारमा प्रतिकित्ता ३४५ रुपैयाँमा अन्तिम पटक कारोबार भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।