श्वेत–गंगा हाइड्रोपावरको आईपीओलाई औसत जोखिम रेटिङ्ग

श्वेत–गंगा हाइड्रो पावर एन्ड कन्स्ट्रक्सन लिमिटेडलेले आज (जेठ २३ गते) देखि जारी गरेको प्रारम्भिक सार्वजनिक निष्काशन (आईपीओ) लाई क्रेडिट रेटिङ्ग एजेन्सी केयर रेटिङस् नेपालले औषत जोखिम रेटिङ्ग दिएको छ ।

कम्पनीले साधारण सेयर निष्काशनको लागि धितोपत्र दर्ता तथा निष्काशन नियमावली, २०७३ (तेस्रो संशोधन सहित) मा भएको व्यवस्था बमोजिम कम्पनीको इस्यूर रेटिङ्ग गराएको हो ।

सार्वजनिक निष्काशनका लागि रेटिङ्ग एजेन्सी केयर रेटिङ्गस नेपाल लिमिटेडबाट साख मूल्याङ्कन गराएको हो ।“क्रेडिट रेटिङ्ग नियमावली, २०६८ को नियम ३ मा भएको व्यवस्था बमोजिम नेपाल धितोपत्र बोर्डबाट अनुमति प्राप्त क्रेडिट रेटिङ्ग संस्था केयर रेटिङ्स नेपाल लिमिटेड, काठमाण्डौंबाट २०७८ भदौ ८ मा गते रेटिङ्ग गराएको कम्पनीले जनाएको छ । जसमा कम्पनीले ‘केयर एनपी बीबी’ रेटिङ्ग प्रमाणपत्र पाएको छ । डलब बी इस्यूर रेटिङ्ग प्राप्त संस्थाले कम्पनीको दायित्व वहन गर्ने क्षमतामा औसत जोखिम रहेको भन्ने बुझिन्छ ।

केयर रेटिङ्गस् नेपाल लिमिटेडले ‘केयर एनपी एएए’ देखि ‘केयर एनपी डी’ सम्मको रेटिङ्ग प्रदान गर्दछ । जसमा रेटिङ्ग ‘केयर एनपी एएए’ ले सकारात्मक आधार जनाउँछ भने ‘केयर एनपी डी’ ले नकारात्मक आधारहरू जनाउँछ । उक्त रेटिङ्ग सन् २०२२ अगष्ट ८ तारेखसम्म बहाल रहने उल्लेख छ ।

कम्पनीले आयोजना प्रभावित क्षेत्र ओखलढुङ्गा र रामेछापका स्थानीय बासिन्दाका लागि पहिलो चरणमा १५ लाख ९३ हजार कित्ता सेयर निष्कासन खुला गरेको हो । कम्पनीले पहिलो चरणमा जारी पूँजी १ अर्ब ५९ करोड ३० लाख रुपैयाँको १० प्रतिशतले हुन आउने सेयर जारी गरेको हो ।

श्वेत–गंगा हाइड्रोले सोमबारदेखि स्थानीय बासिन्दालाई १६ लाख कित्ता सेयर निष्कासन गर्दै

श्वेत–गंगा हाइड्रोले पहिलो चरणमा १५ लाख ९३ हजार कित्ता सेयर निष्कासन गर्दैछ । कम्पनीले पहिलो चरणमा जारी पूँजी १ अर्ब ५९ करोड ३० लाख रुपैयाँको १० प्रतिशतले हुन आउने सेयर जारी गरेको हो । आयोजना प्रभावित क्षेत्रलाई पनि प्राथमिकताका आधारमा ३ चरणमा वर्गिकरण गरेर सेयर निष्काशन गरेको छ ।

आगामी भदौ असोजसम्म व्यावसायिकरूपमा विद्युत उत्पादन गर्ने लक्ष्य राखेको कम्पनीको रामेछाप र सोलुखुम्बुको सीमा भएर बग्ने लिखु खोलामा २८.१० मेगावाट क्षमताको तल्लो लिखु जलविद्युत आयोजना निर्माणाधीन छ ।

श्वेत–गंगा हाइड्रो पावर एन्ड कन्स्ट्रक्सन लिमिटेडले प्रवद्र्धन गरेको आयोजनाको साधारण सेयर छिटोमा असार ६ गते र ढिलोमा असार २१ गते बन्द हुनेछ । सेयर खरिद गर्न आवेदकले न्यूनतम १० कित्ता र १० अंकको गुणाङ्कमा अधिकतम १० हजार कित्तासम्म आवेदन दिन पाउने व्यवस्था छ ।

तर ५ लाख रूपैयाँसम्म रकम बराबरको आवेदन गर्ने दरखास्तवालाले स्वेच्छिक रुपमा र ५ लाख भन्दा बढी रकम बराबरको आवेदन गर्ने दरखास्तवालाले अनिवार्य रुपमा प्यान नम्बर दरखास्त फारममा खुलाउनु पर्नेछ । यस अतिरिक्त १० लाख रूपैयाँ वा सोभन्दा बढी रकम आवेदन दिने आवेदकहरुले आफूले आवेदन दिँदा जम्मा गरेको रकम सम्पत्ति शुद्धीकरण ऐनको बर्खिलाप हुने गरी आर्जन नगरेको भनी उद्घोषण गर्नुपर्नेछ ।
कम्पनीले सेयर निष्कासन तथा बिक्री प्रवद्र्धकमा सानिमा क्यापिटललाई नियुक्त गरेको छ ।

प्रतिमेगावाट लागत २२ करोड ६७ लाख

कम्पनीले निर्माण गरिरहेको तल्लो लिखु आयोजनाको लागत पनि उच्च नै रहेको देखिन्छ । हाल निजी क्षेत्रबाट १७ १८ करोड प्रतिमेगावाट लागतमा पनि आयोजन निमार्ण भइरहेको सन्दर्भमा कम्पनीको लागत पौने २३ करोड लागत रहेको छ ।

आगामी असोजसम्म व्यावसायिक रूपमा विद्युत उत्पादन गर्ने लक्ष्य रहेको तल्लो लिखु आयोजनाको निर्माण कार्य हालसम्म ९३ प्रतिशत पूरा भइसकेको छ । कूल ६ अर्ब ३७ करोड २० लाख रुपैयाँ लागतका अनुमान गरिएको छ । २८।१० मेगावाट क्षमताको आयोजना रहेकाले प्रतिमेगावाट लागत २२ करोड ६७ लाख ६१ हजार ५०० रुपैयाँ हुन आउँछ ।

कम्पनीको साधारण लगानी फिर्ता हुन ७ वर्ष ७ महिना र डिस्काउन्टमा लगानी फिर्ता हुन लाग्ने अवधि १४ वर्ष ८ महिना रहेको छ ।

कम्पनीले विसं २०७२ साल चैत २८ गते आयोजनाको उत्पादन अनुमतिपत्र लिएको थियो । विद्युत आयोजनाको अनुमतिपत्र वितरण सम्बन्धी निर्देशिका अनुसार उत्पादन अनुमतिपत्रको अवधि ३५ वर्ष तोकिएको हुन्छ । यस आधारमा कम्पनीले अझै २८ वर्ष १० महिना विद्युत उत्पादन गरी सञ्चालन गर्न पाउँछ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।