एचआईडिसिएलको सबै आम्दानी स्रोतहरु बढेपछि खुद नाफा अर्ब नजिक

हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडिसिएल) को गत आर्थिक वर्ष २०७८।७९ मा आम्दानी सबै स्रोतहरुमा बढोत्तरी भएपछि कम्पनीको खुद नाफा २२ प्रतिशतले बढेको छ ।

गत आवको चौथो त्रैमाससम्मको अपरिष्कृत वित्तीय विवरण अनुसार कम्पनीले करिब एक अर्ब (९७ करोड ६२ लाख १७ हजार) रुपैयाँ खुद नाफा कमाएको छ ।

अघिल्लो आर्थिक वर्षको सोही अवधिसम्ममा कम्पनीले ७९ करोड ९६ लाख रुपैयाँ खुद नाफा कमाएको थियो ।

गत आवमा कम्पनीको सम्झौता मार्फत हुने आय २४९.३९ प्रतिशत, अन्य आम्दानी २४१ प्रतिशत, ले बढ्दा ब्याज आम्दानी १८.७७ प्रतिशत, लाभांश आम्दानी ३१.३३ प्रतिशत बढेको छ ।

सार्वजनिक विवरण अनुसार कम्पनीले गत आर्थिक वर्षको अन्त्यसम्ममा ब्याज आम्दानी १ अर्ब ५२ करोड ८८ लाख ४६ हजार, लाभांश आम्दानी १ करोड ४१ लख ४८ हजार, सम्झौता मार्फत हुने आय ३४ लाख ५३ हजार रुपैयाँ र अन्य आम्दानी ३ लाख ६५ हजार रुपैयाँ रहेका छ ।

चुक्ता पूँजी २० अर्ब ७१ करोड ५० लाख रुपैयाँ रहेको यस कम्पनीको प्रतिसेयर आम्दानी पुँजी बढेपछि घटेर ४.७१ रुपैयाँकायम भएको छ । गत आवको तुलनामा १३ पैसा घटेको हो । गत आवमा कम्पनीको प्रतिसेयर नेटवर्थ १०८.०८ रुपैयाँ र मूल्य आम्दानी अनुपात ४२.४४ गुणा छ ।

समीक्षा अवधिमा कम्पनीको जगेडा कोष ५.०८ प्रतिशत घटेर असार मसान्तसम्ममा १ अर्ब ६७ करोड ३८ लाख ३९ हजार रुपैयाँ सञ्चित भएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।