नेप्सेमा एकैदिन तीन हाइड्रोपावरको आईपीओ सहित साढे ३ करोड कित्ता सेयर सूचीकृत

नेपाल स्टक एक्सचेञ्ज (नेप्से) मंगलबार तीन जलविद्युत कम्पनीहरु श्वेत गंगा हाइड्रोपावर, अपर सोलु हाइड्रो इलेक्ट्रिकल कम्पनी र मन्दाकिनी हाइड्रोपावरको सेयर सूचीकृत भएको छ ।

तीन कम्पनीकाे कुल ३ करोड ५३ लाख १० लाख ३६९ कित्ता सेयर सूचीकृत भएको हाे ।

तीनवटै कम्पनीले जारी गरेका प्रारम्भिक सार्वजनिक निष्कासन (आईपीओ) सहित संस्थापक सेयर धितोपत्रको दोस्रो बजारमा पहिलो पटक सूचीकृत भएको हो ।

नेप्सेले श्वेत गंगा हाइड्रोपावरको सेयरको दोस्रो बजारमा कारोबारका लागि ‘एसजीएचसी’, अपर सोलुको ‘युएसएचईसी’ र मन्दाकिनी हाइड्रोपावरको ‘एमएचएल’, कारोबार संकेत (सिम्बोल) दिएको छ ।

मंगलबार सेयर सूचीकृत भएसँगै बुधबारबाटै तीनवटै कम्पनीको आईपीओ धितोपत्रको दोस्रो बजारमा खरिद बिक्रीका लागि योग्य भएको छ । तर कारोबार खुल्न साढे दशदेखि पौने ११ बजेको नेप्सेको स्पेशल प्रि ओपनिङ्ग सेसनमा कारोबार म्याचिङ्ग सम्भव भएमात्र नियमित कारोबार सुचारु हुने भएकाले सबै कम्पनीको भालि नै कारोबार हुने निश्चितता भने देखिन्न ।

सूचीकृत सेयर संख्या र ओपनिङ्ग कारोबार रेञ्ज

४३ जलविद्युत कम्पनीले औषतमा साढे ११ प्रतिशतले बढाए चुक्ता पुँजी

नेप्सेले सम्बन्धीत कम्पनीको पछिल्लो परिष्कृत वित्तीय विवरणका आधारमा कायम रहेको प्रतिसेयर नेटवर्थलाई न्यूनतम कारोबार रेञ्ज र त्यसको तीन गुणासम्म अधिकतम कारोबार रेञ्ज तोक्ने गरेको छ ।

आर्थिक वर्ष २०७७/७८ मा श्वेत गंगा हाइड्रोपावरको प्रतिसेयर नेटवर्थ ८९.८८ रुपैयाँ, मन्दाकिनी हाइड्रोपावरको प्रतिसेयर नेटवर्थ १०२ रुपैयाँ र अपर सोलुको वास्तविक प्रतिसेयर नेटवर्थ १०८.२१ रुपैयाँ रहेको छ । सोही नेटवर्थको आधारमा ओपनिङ्ग रेञ्ज तोकिएको हो ।

समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।