वैदेशिक ब्यापारः ८१% देशसँग नेपालको ब्यापार घाटा, डेनमार्कसँग सबैभन्दा धेरै नाफा

नेपालले चालु आर्थिक वर्षको २ महिना अवधिमा ११७ देशसँग वैदेशिक ब्यापार गरेको छ । कुल ११७ देशमध्ये समीक्षा अवधिमा ९५ देशसँगैका ब्यापार घाटा (देश भित्रने रकमभन्दा बाहिरने रकम बढी) अर्थात उच्च आयात छ भने २१ वटा देशसँग ब्यापार नाफा (देश भित्रने रकमभन्दा बाहिरने रकम कम) अर्थात सो देशहरुमा उच्च निर्यात रहेको भन्सार विभागको तथ्याङ्क छ ।

सबैभन्दा धेरै व्यापार घाटा भारतसँग रहेको छ । यस अवधिमा नेपालले भारतसँग कुल १ खर्ब ४९ अर्ब ८१ करोड रुपैयाँ ब्यापार घाटा ब्यहोरेको छ । दुई महिनामा भारतबाट नेपालमा कुल १ खर्ब ६९ अर्ब ६५ करोड मूल्यको मालवस्तु आयात भएको छ भने नेपालबाट १९ अर्ब ८३ करोड रुपैयाँ बराबरको मालवस्तु निर्यात भएको छ । यस आधारमा हेर्दा नेपालमा भारतमा बिक्री हुने मालवस्तुको तुलनामा नेपालमा खरिद हुने वस्तुको अनुपात १ः८५५ रहेको छ । यसको मतलब नेपालले निर्यात गर्ने वस्तुभन्दा ८.५५ गुणा बढी बढी वस्तु आयात हुने गरेको छ ।

यस्तै दोस्रो ठूलो ब्यापार घाटा रहेको चीनसँग ३ अर्ब ७० करोड ब्यापार घाटा छ । साउन र भदौमा कुल ३ अर्ब ७१ करोड मूल्यको मालवस्तु आयात भएको छ भने नेपालबाट १२ करोड ३९ लाख रुपैयाँ बराबरको मालवस्तु निर्यात भएको छ । यसैगरी इन्डोनेशियासँग ८ अर्ब ८० करोड ७३ लाख, अर्जेन्टिनासँग ६ अर्ब ८६ करोड ३३ लाख, जोडर्नसँग ४ अर्ब ४६ करोड, युनाइटेड अरब इमिरेट्स ४ अर्ब ३० करोड, बेल्जियम ४ अर्ब १२ करोड, ओमन ३ अर्ब २२ करोड, अष्ट्रेलिया २ अर्ब २९ करोड र दशौं ठूला ब्यापार घाटा रहेको भियतानमसँग १ अर्ब ८० करोड रुपैयाँ रहेको छ ।

सबैभन्दा धेरै घाटा रहेका देश यस्ता छन् :-

समीक्षा अवधिमा सबैभन्दा धेरै डेनमार्कसँग ब्यापार नाफा रहेको छ । दुई महिनामा २१ देशसँग ब्यापार नाफा रहेको डेनमार्कसँग सबैभन्दा धेरै १७ करोड ९७ लाख रुपैयाँ ब्यापार नाफा गरेको छ । सो देशमा नेपालबाट २१ करोड ३७ लाखको निर्यात हुँदा ३ करोड ४० लाख रुपैयाँ मात्र आयात भएको छ ।

दोस्रो व्यापार नाफा रहेको मुलुक कम्बोडियासँग ६ करोड २२ लाख, नर्वेसँग ५ करोड ५० लाख, अष्ट्रियासँग ४ करोड ३६ लाख, उरुग्वेसँग ४ करोड ९ लाख, बेलायतसँग ३ करोड ९१ लाख, स्वीडेन १ करोड ९१ लाख, न्यू क्यालेडोनिया १ करोड ९ लाख, स्लोभानियासँग ४५ लाख ५५ हजार र पोर्चुगलसँग ३३ लाख ६५ हजार रुपैयाँ बराबरको ब्यापार नाफा रहेको छ ।

सबैभन्दा धेरै व्यापार नाफा रहेका देश यस्ता छन् :-

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।