मेगा क्यापिटल समकालिन मर्चेन्ट बैंकहरुलाई पछि पार्दै तीब्र गतिमा अगाडि बढ्दै

मेगा क्यापिटल मार्केट्स लिमिटेडले हालसम्म सञ्चालनमा भएका ३० ओटा मर्चेन्ट बैंकहरुमध्ये आफ्ना समकालिन मर्चेन्ट बैंकहरुलाई पछि पार्दै तिब्र गतिमा अगाडि बढेको छ ।

आर्थिक वर्ष २०७८/७९ मा मेगा क्यापिटल २४.५० प्रतिशत वितरण योग्य मुनाफा आर्जन गरेको छ । मेगा क्यापिटलले हाल सम्म करिब १ लाख ८० हजार डिम्याट र लगानी व्यवस्थापन सेवामा ३५८ जना सेवाग्राहीबाट ६८ करोड रूपैयाँको पोटफोलियो व्यवस्थापन गर्दै आएको छ ।

मेगा क्यापिटलले कर्पोरेट एडभाइजरी (संस्थागत परामर्शदाता) सेवाको रुपमा सेवाग्राही तथा आवद्ध लगानीकर्तालाई वित्तीय समस्या हल गर्न परिणाम मूलक सेवा दिँदै मर्चेन्ट बैंकिङ्ग क्षेत्रमा नयाँ आयाम थपेको छ ।

त्यस्तै गरी नयाँ कामको रुपमा कुनै पनि कम्पनीको प्रमोटर सेयर खरिद बिक्री गर्ने इच्छा भएकालाई सहजिकरण गर्दै आएको छ । विभिन्न कम्पनीहरुसँग आईपीओ र अण्डरराइटङि सम्झौता पनि भएको छ ।

अत्याधुनिक प्रणालीको व्यवसायिक उपभोग गर्ने रणनीति अनुरुप संस्थाले डिम्याट खाता, मेरो सेयर खाता खोल्ने, नविकरण गर्ने र लगानी व्यवस्थापन सेवा समेत अनलाइन मार्फत गर्न सकिने व्यवस्था मिलाएको छ ।

क्यापिटलले प्रदान गर्ने सेवाहरुलाई छिटो छरितो बनाई ग्राहकको आवश्यकता र चाहना अनुसार सेवा उपलब्ध ग्राउने मुख्य उद्देश्य साथ काठमाण्डौँ उपत्यका बाहिर पोखरा, वुटवल र विराटनगरबाट समेत भौतिक संरचनाबाट पनि सेवा दिने क्यापिटलको योजना रहेको छ ।
मेगा क्यापिटल पाँच वर्ष पूरा गरि पाँचौ वार्षिक साधारण सभा गर्ने तयारीमा जुटेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।