नेशनल हाइड्रोपावरको विद्युत बिक्री आम्दानी ३६८% ले बढेपनि नाफा शतप्रतिशत घट्यो

नेशनल हाइड्रोपावर कम्पनीले विद्युत् बिक्रीबाट हुने आम्दानी ३६८.६८ प्रतिशतले बढेको भएपनि खुद नाफा भने ९८.४८ प्रतिशतले घटेको चालु आर्थिक वर्षको पहिलो त्रैमाससम्मको अपरिष्कृत वित्तीय विवरण सार्वजनिक गरेको छ ।

कम्पनीको विद्युत बिक्री आय बढेपनि वित्तीय खर्च बढेपनि समीक्षा अवधिमा कम्पनीको वित्तीय खर्च उल्लेख्य बढेका कारण खुद नाफा घटेको हो । यस वर्ष कम्पनीको वित्तीय खर्च ५०३.३३ प्रतिशत बढी भएकाले खुद नाफा घट्न पुगेको हो । गत आवको प्रथम त्रैमासमा १७ लाखभन्दा बढी रहेको वित्तीय खर्च यबढेर १ क्रोड ४ लाखभन्दा माथि पुगेको छ । 

कम्पनीको विद्युत बिक्री आम्दानीमा उच्च वृद्धि भएपनि खुद नाफा भने ९८.८४ प्रतिशत घटेको छ । असोज मसान्तसम्ममा कम्पनीले ६८ लाख १८ हजार रुपैयाँ मात्र नाफा आर्जन गरेको छ । गत आर्थिक वर्षको यसैअवधिमा कम्पनीको नाफा ५८ करोड ७४ लाख ४३ हजार रुपैयाँ रहेको थियो ।

चालु आर्थिक वर्षको पहिलो त्रैमाससम्मको अपरिष्कृत वित्तीय विवरण अनुसार असोज मसान्तसम्ममा कम्पनीले विद्युत बिक्री मार्फत ६ करोड ३६ लाख २८ हजार रुपैयाँ आम्दानी गरेको छ । गत आर्थिक वर्षको सोही अवधिसम्ममा कम्पनीले बिजुली बेचर १ करोड ३५ लाख रुपैयाँ कमाएकोमा ३६८.६८ प्रतिशत आम्दानी बढेको हो ।

यस्तै गत आवको पहिलो तीन महिनामा कम्पनीले ६१ करोड ७२ लाख रुपैयाँ राइट ब्याक गरेकाले नाफामा आकर्षक बढोत्तरी आएको थियो । यस वर्ष कम्पनीले कुनै पनि राइट ब्याक गरेको छैन ।

कम्पनीले असोजसम्म ३ करोड ४९ लाख सञ्चालन नाफा गर्न सफल भएको छ । गत वर्ष यस अवधिसम्म कम्पनी १ करोड ४७ लाख ३१ हजार रुपैयाँभन्दा बढी सञ्चालन घाटामा रहेको थियो ।

चुक्ता पुँजी १ अर्ब ६४ करोड ५० लाख १६ हजार रुपैयाँ रहेको कम्पनीको प्रतिसेयर आम्दानी ४०.७३ रुपैयाँ घटेर १.९६ रुपैयाँ र प्रतिसेयर नेटवर्थ १०१.३६ रुपैयाँ छ । कम्पनीको जगेडा कोषमा २ करोड ३८ लाख रुपैयाँ सञ्चित छ । जुन गत आवको पहिलो तीन महिनाको तुलनामा ९७.९१ प्रतिशत कम हो ।

सुनकोशी हाइड्रोपावरलाई असोज १४ गतेदेखि प्राप्ती गरेपछि कम्पनीको चुक्ता पूँजी समीक्षा अवधिमा १८.७० प्रतिशत बढेर १ अर्ब ६४ करोड ५० लाख १६ हजार रुपैयाँ रहेको छ ।

कम्पनीले चुक्ता पुँजीको ५० प्रतिशत हकप्रद सेयर जारी गर्न २५ औं वार्षिक साधारण सभा र विशेष साधारण सभाबाट स्वीकृति प्रदान गरेकोमा विद्युत नियमन आयोगबाट स्वीकृती प्राप्त भैसकेको र नेपाल धितोपत्र बोर्डमा स्वीकृतिको लागि प्रकृया अगाडि बढाएको जनाएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।