शिवम् बाहेक सबै उत्पादनमुलक समूहका सबैको लाभांश घोाषणा

नेपाल स्टक एक्स्चेञ्जमा उत्पादनमुलक समूह अन्तर्गत सूचीकृत कम्पनीमध्ये शिवम् सिमेन्टस् बाहेक बाँकी पाँच वटै कम्पनीको लाभांश प्रस्ताव भएको छ ।

पछिल्लो समय हिमालयन डिष्टिलरीले लाभांश प्रस्ताव गरेसँगै लाभांश घोषणा गर्ने कम्पनीको संख्या पाँच पुगेको हो । हिमालयन डिष्टिलरीले चुक्ता पुँजीको ६० प्रतिशत बोनस र १० प्रतिशत नगद गरी कुल ७० प्रतिशत लाभांश प्रस्ताव गरेको छ ।

युनिलिभर नेपाल लिमिटेडले सर्वाधिक प्रतिसेयर १२१५ रुपैयाँ नगद घोषणा गर्दा बोर्टलर्स नेपाल तराइले ६० प्रतिशत, बोर्टलर्स नेपाल बालाजुले २० प्रतिशत, नेपाल ल्यूब आयले ३० प्रतिशत लाभांश प्रस्ताव गरेको छ ।

नेपाल ल्यूब आयलले गत असोज २८ गते नै साधारण सभा सम्पन्न गरिसकेको छ । मंसिर ४ गते बुकलोज गरेको युनिलिभरले मंसिर २० गते साधारण सभा बोलाएको छ ।

बोटलर्स नेपालका दुबै कम्पनीले पुस २० गते साधारण सभा तथा लाभांश वितरण प्रयोजनार्थ बुकक्लोज मिति तोकेका छन् ।

उत्पादनमुलक समूह अन्तर्गत सूचीकृत भएपनि अन्य एक दर्जनभन्दा धेरै कम्पनी सेयर बजारबाट बेपत्ता छन् । ती कम्पनीहरुको नियमित कारोबार हुने गरेको छैन भने सेयरधनीलाई लाभांश समेत वितरण गर्ने गरेका छैनन् । उच्च नोक्सानी भएको भन्दै श्रीराम सुगर मिल्सले पनि पछिल्लो समय उद्योग बन्द गरेको अवस्था छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।