प्रभु क्यापिटलले ल्यायो नि:शुल्क डिम्याट खोल्न सकिने “न्यानो स्पेशल अफर”

प्रभु क्यापिटलले ‘हेली राइड’ को सफर वीथ प्रभु क्यापिटलको “न्यानो स्पेशल अफर” भन्ने स्लोगन सहित यो निःशुल्क डिम्याट स्किम ल्याएको छ ।

यस वर्षको जाडो मौसममा घरमै बसीबसी अनलाईनबाट प्रभु क्यापिटलको कार्यालय कमलादी वा प्रभु बैंकको शाखामा गई डिम्याट खाता खोल्न चाहने ग्राहकहरुलाई लक्षित गर्दै क्यापिटलले सो योजना ल्याएको हो ।

यो योजना २०७९ पुस १ गतेदेखि चैत्र ३० गतेसम्म लागू हुने क्यापिटलले जनाएको छ जसमा ग्राहकले १ वर्षका लागि निशुल्क डिम्याट खाता र मेरो सेयर सुविधा प्राप्त गर्नुहुनेछ । यस योजनाको ज्यादै आकर्षण पक्ष क्यापिटलले योजना अवधिभर खाता खोल्ने ग्राहकलाई दिने अतिरिक्त सुविधा हो जसमा लोट्रिबाट १० जना भाग्यशाली विजेताको छनौट गरिनेछ जसले आजीवन निःशुल्क डिम्याट पाउनेछन् भने एकजना भाग्यशाली विजेताले निःशुल्क गोसाइकुण्ड हेली राइड जित्नेछन् ।

पूँजी बजारमा नयाँ लगानीकर्ता भित्र्याउने तथा सक्रिय रुपमा पूँजी बजारमा लाग्न पे्ररित गर्ने उद्वेश्यले ल्याएको यो योजनामा देश विदेशमा रहने नेपालीहरुले स्वयम् उपस्थित रहेर खाता खोल्नुका साथै वेबसाइट तथा मोबाइल एपबाटै अनलाईन डिम्याट गरी भिडियो केवाइसी सहितको डिम्याट खाता आफू रहेको ठाउँबाटै खोल्न सक्ने क्यापिटलले जनाएको छ । जसमा व्यक्तिले अनलाईन रिक्वेस्ट गर्दा भिडियो केवाईसी वा एप केवाईसी छनौट गरी आफू अनुकूल समयमा समय लिई तुरुन्तै अनलाईन डिम्याट खाताको सुविधा पाउनेछन् ।

प्रभु क्यापिटलको “न्यानो स्पेशल अफर” डिम्याट खाताको विशेषताहरुः

•  निःशुल्क डिम्याट खाता सँगै मेरो शेयर खाता
• स्कीम अवधिभरको हितग्राही मध्ये “१० जना भाग्यशाली हितग्राही बिजेतालाई आजीवन फ्रि डिम्याट”
• १ जना लाई “गोसाईकुण्ड हेली राइट अफर”
• अनलाईन मार्फत खाता खोल्न सकिने
• भिडियो केवाईसी द्वारा केवाईसी भेरिफिकेसन हुने
• पिएमएस सेवाको वार्षिक शुल्कमा ५० प्रतिशत छुट

प्रभु क्यापिटल लिमिटेड नेपाली पुँजी बजारमा भिडियो केवाईसी मार्फत तुरुन्तै डिम्याट खाता खोल्ने सुविधा ल्याएको एकमात्र मर्चेन्ट कम्पनी हो जसले समयानुसारकोे प्रविधि अपनाउदै आफ्ना ग्राहकहरुलाई फरक ढङ्गबाट सेवा प्रदान गर्दै आईरहेको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।