काठमाडौँ । नेपाल विद्युत् प्राधिकरणले काठमाडौँका विभिन्न ठाउँमा आगामी १९ गतेसम्म विद्युत् अवरुद्ध हुने जनाएको छ ।
प्राधिकरणले सूचना निकालेर चैत १४ गते देखि १९ गतेसम्म बिहान ११ बजेदेखि दिउँसो ४ बजेसम्म विद्युत् अवरुद्ध हुने जनाएको हो ।
प्राधिकरणका अनुसार आज १५ गते सोमबार खानेपानी धापासी फिडरअन्तर्गत पर्ने बानियाँटार क्षेत्रमा विद्युत अवरुद्ध हुनेछ ।
यस्तै, १७ गते बुधबार मण्डिखाटार फिडरअन्तर्गत मण्डिखाटार, धुम्बाराही क्षेत्रमा र १९ गते शुक्रबार धुम्बाराही, बसुन्धारा फिडरअन्तर्गत पर्ने बसुन्धारा र धुम्बाराही क्षेत्रमा विद्युत् अवरुद्ध हुने प्राधिकरणले जनाएको छ ।
साथै प्राधिकरणले मौसम प्रतिकूल भए विद्युत् अवरुद्ध नहुने जनाएको छ ।
About Us
प्रतिक्रिया