सुनचाँदीको मूल्य घट्यो, कतिमा हुँदैछ कारोबार ?

काठमाडौँ । बिहीबार नेपाली बजारमा सुनचाँदीको मूल्य घटेको छ । आज सुन तोलामा ९०० रुपैयाँ र चाँदी तोलामा ३० रुपैयाँले घटेको हो ।

नेपाल सुनचाँदी व्यवसायी महासंघका अनुसार बिहीबार सुन प्रतितोला २ लाख १५ हजार २०० रुपैयाँ कायम भएको छ । बुधबार सुन प्रतितोला २ लाख १६ हजार १०० रुपैयाँ कायम भएको थियो ।

त्यसैगरी, बिहीबार चाँदी प्रतितोला २ हजार ५२० रुपैयाँ कायम भएको छ । बुधबार चाँदी प्रतितोला २ हजार ५५० रुपैयाँ थियो ।

नेपालमा अन्तर्राष्ट्रिय बजारका आधारमा सुनको मूल्य निर्धारण गर्ने गरिएको छ ।

बिहीबार अन्तर्राष्ट्रिय बजारमा सुन प्रतिऔंस ३ हजार ६५४.९७ अमेरिकी डलर र चाँदी ४१.३९ अमेरिकी डलरमा कारोबार भइरहेको छ ।