फोटन माउन्टेन ईभी सार्वजनिक,  एकैपटक १०० वटा डेलिभरी

काठमाडौं । एमएडब्लू  वृद्धि समूहको सञ्चालनमा रहेको फोटन नेपालले माउन्टेन इभी लन्च गर्दै १०० वटा सवारीसाधनहरु एकैपटक डेलिभरि गरेको छ ।

नेपालका लागि विशेष डिजाइन गरिएको यो माउन्टेन ईभीमा ५३.५८ किलोवाट आवरको ब्याट्री समावेश छ । एक पटकको पूर्ण चार्जमा यो कारले ३०० किलोमिटरको सम्मको ड्राइभिङ्ग रेन्ज दिन्छ । साथै, यसमा १३० किलोवाट आवरको अधिकतम पावर, ३३० अधिकतम टर्क, र २५ प्रतिशत ग्रेडेबिलिटी रहेको छ ।

यी विशेषताहरुले फोटन माउन्टेनलाई नेपाली बजारमा यस्ता विशेषताहरू भएको पहिलो विद्युतीय सवारी साधन बनाएको कम्पनीको दाबी छ।

एमएडब्लू  वृद्धि समूहका निर्देशक विवेक सिकरिया भन्छन्, “आज हामी नेपाली बजारमा फोटन माउन्टेन ईभी भ्यान लन्च गर्न पाउँदा अत्यन्तै खुशी छौं –यो  एक नवीनतम विद्युतीय सवारी साधन हो जसले नेपालको सवारी साधन क्षेत्रलाई नयाँ दिशामा लैजाने छ। नेपालका चुनौतीपूर्ण सडकहरूलाई मध्यनजर गर्दै माउन्टेन ईभी विशेष सुविधाहरूमा उपलब्ध रहेको छ ।”

एमएडब्लू वृद्धि समूहका सीईओ तुषार गुप्ता भन्छन्, “फोटन लगातार १९ वर्षसम्म चीनको शीर्ष ब्रान्डको रूपमा स्थापित रहेको, भारतमा सबैभन्दा धेरै ईभी बसको रुपमा बिक्री भएको, ९ लाखभन्दा बढी व्यवसायिक सवारी साधनहरूको रुपमा निर्यात र दक्षिण अमेरिकामा अग्र स्थानमा स्थापित भएको छ। माउन्टेन ईभी आफ्नो सेग्मेंटको   एक उत्कृष्ट सवारीसाधन हो जुन नेपालका लागि निर्माण गरिएको छ ।”

माउन्टेन ईभी १४ देखि १६ सीट सम्मको विभिन्न मोडलहरूमा उपलब्ध छ, जसमा अत्यधिक स्पेस र आरामदायी हाई रुफको सुविधा छ। यसमा अटो होल्ड कन्ट्रोल, स्मार्ट पार्किङ सहयोग, हिल होल्ड कन्ट्रोल (एचएसी), दुईवटा ड्राइभिङ मोड, आर१६ ड्युरेबल टायर लगायतका सुविधाहरू समावेश छन् ।

नेपाली बजारमा फोटनको ब्रान्ड मूल्य ३१.४ अर्ब रहेको छ र विद्युतीय र व्यवसायिक सवारी साधन विकासमा गहिरो विशेषज्ञता रहेको छ। यसले नेपालका लागि एक स्वच्छ र दिगो भविष्य निर्माणमा ठूलो योगदान पुर्याउनेछ।

फोटन नेपाल, एमएडब्लू  वृद्धि समूहको सञ्चालनमा रहेको छ । कम्पनीले जसले सन् २०१४ देखि नेपालभर विभिन्न अन्तर्राष्ट्रिय सवारी साधन ब्रान्डहरूको प्रतिनिधित्व गर्दै आएको छ। व्यवसायिक र विद्युतीय सवारी साधनमा विशेषज्ञता भएको एमएडब्लू  वृद्धिले उच्च स्तरको सर्भिस, स्पेयर पार्ट्सको सहज उपलब्धता र रिलाएबल स्टकको सुनिश्चितता गर्छ, जसले फोटन, सोकन, सेरेस, नामी र चाङ्गन जस्ता ब्रान्डहरूको प्रतिनिधित्व गर्छ।