सुनको भाउ घट्यो, आइतबार कतिमा हुँदैछ कारोबार ?

साताको पहिलो कारोबार दिन आइतबार सुनको मूल्य ४०० रुपैयाँले घटेको छ । शुक्रबार ६०० रुपैयाँले बढेको सुनको भाउ आइतबार ४०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आइतबार छापावाला सुनको भाउ प्रतितोला एक लाख ५० हजार ५०० रुपैयाँमा कारोबार भइरहेको छ । शुक्रबार छापावाला सुनको भाउ प्रतितोला एक लाख ५० हजार ९०० रुपैयाँमा कारोबार भएको थियो ।

महासंघका अनुसार शुक्रबार प्रतितोला १ हजार ८४५ रुपैयाँमा कारोबार भएको चाँदी आज प्रतितोला १ हजार ८४० रुपैयाँमा कारोबार भइरहेको छ ।

नेपालमा अन्तर्राष्ट्रिय बजारको आधारमा सुनचाँदीको मूल्य निर्धारण गर्ने गरिएको छ । आइतबार अन्तर्राष्ट्रिय बजारमा सुन प्रतिऔंस २ हजार ६४९।७० अमेरिकी डलर र चाँदी प्रतिऔंस ३०।६२ डलरमा कारोबार भइरहेको छ ।