नेप्सेमा लगातार तेस्रो दिन दोहोरो अंकको वृद्धि, आकर्षक लाभांशले बढायो एनआईसीएको कारोबार

शेयर बजार लगातार तीन दिन दोहोरो अंकले बढ्दा बजार सूचक मापक नेप्से ४०.७४ अंकले बढेको छ । आइतबार ५.६६ अंकले घटेको नेप्से सोमबार १३.५८ अंक, मंगलबार १३.२२ अंकपछि बुधबार पनि १३.९४ अंकले बढेको हो ।

वित्तीय प्रणालीमा अधिक तरलता र शेयर कारोबारको भुक्तानी दशैंपछि गरे हुनेभएपछि दशैं खर्च निकाल्दा घटेको कारोबार रकममा पनि दिनप्रतिदिन सुधार हुादै गएको छ ।

सोमबार ९७ करोडमा झरेको कारोबार रकम मंगलबार १२७ करोड र बुधबार आउँदा १६३ करोड नाघेको छ । दशैंपछि शेयर बजार बढ्ने आशामा लगानीकर्ताले बजारमा लगानी बढाएका हुन् ।

मंगलबार गत आर्थिक वर्ष २०७६।७७ बाट १९ प्रतिशतको आकर्षक बोनस शेयर वितरण गर्ने घोषणा गरेको एनआईसी एशिया बैंकको आज उच्च कारोबार भएको छ । बैंकको आज ३ लाख ९९ हजार ५१३ कित्ता शेयर २४ करोड २९ लाख ५७ हजार रुपैयाँमा खरीद बिक्री भएको छ । यो रकम आज कारोबार भएको १९२ कम्पनीको कूल कारोबार रकमको १५ प्रतिशत बैंकको एक्लैको कारोबार भएको हो ।

• आठ उपसमूहका सूचक सकारात्मक

आज कारोबारमा आएका आठ उपसमूहका सूचक सकारात्मक भएका छन् । जसमध्ये ब्यापार उपसमूहको सूचक २.१९ प्रतिशतले बढ्दा बैंकिङ्ग इक्डेक्स पनि १.७१ प्रतिशतले उकालो लागेको छ । म्युचुअल फण्ड, निर्जीबन बीमा, जीबन बीमा, विकास बैंक, अन्य र लघुवित्तको सबइन्डेक्स पनि बढेका छन् ।

कारोबारमा आएका चार उपसमूहका सूचक घटेकोमा जलविद्युतको सूचक सबैभन्दा धेरै १.०१ प्रतिशतले घटेको छ भने होट उत्पादन र वित्त पनि घटेका छन् ।

आज कुमारी बैंकको दोस्रो ठूलो कारोबार भएको छ । बैंकको ८ करोड ३९ लाखको कारोबार भएको बजारमा नेपाल बैंक ७ करोड ४३ लाख, र हिमाल दोलखा हाइड्रोपावरले ६ करोड ६३ लाखको कारोबार गर्दै पच्छाएका छन् ।

ग्लोबल आइएमई बैंक, एनएमबि बैंक, अपि पावर, एभरेष्ट बैंक, लक्ष्मी बैंकको संस्थापक र मेगा बैंक शीर्ष कारोबार हुने दश कम्पनीभित्र समेटिएका छन् ।

• जनरल इन्स्योरेन्सको शेयरमूल्यमा छैटौं दिन सर्किट ब्रेक

जनरल इन्स्योरेन्सको आजपनि शेयरमूल्यमा सकारात्मक सर्किट लागेको छ । बैंकको छैटौं कारोबार दिन शेयरमूल्यमा सर्किट ब्रेक भएको हो । प्रतिकित्ता ३०५ मा कारोबार खुलेको बैंकको ७५ प्रतिशतले शेयरमूल्य बढेर ५३६ रुपैयाँ पुगेको छ ।

नेपाल हाइड्रो डेभलोपर, सांग्रिला डेभलपमेन्ट बैंक, र एनआईसी एशिया बैंकको ४ प्रतिशत धेरैले बढेको आजको बजारमा कुमारी बैंक, साल्ट्र ट्रेडिङ कर्पोरेशन, गुडविल फाइनान्स, मेगा बैंक, सनराइज र नेपाल बैंकको पनि २ प्रतिशतभन्दा धेरैले शेयरमूल्यमा सुधार भएको छ ।

• हाइड्रोपावरका लगानीकर्ता धेरै गुमाउने सूचीमा

आजको बजारबाट हाइड्रोपावरका लगानीकर्ता धेरै गुमाउने सूचीमा परेका छन् , शीर्ष शेयरमूल्य घट्ने दश कम्पनीको सूचीमा ९ वटा हाइड्रोपावर रहेको छ । नेपाल फाइनान्स बाहेक सबै हाइड्रोपावर छन् ।

नेपाल फाइनान्सको शेयरमा लगानी गरेका लगानीकर्ताले सबैभन्दा धेरै ५ प्रतिशतले गुमाएका छन् । फाइनान्सको शेयरमूल्य १६ रुपैयाँ घटेर ३०१ मा झरेको छ ।

यसैगरी खानीखोला हाइड्रोपावर, आँखखोला हाइड्रोपावर, पञ्चकन्या माई, नेशनल हाइड्रोपावर, र छ्याङ्दी हाइड्रोपावरको शेयरमूल्य ४ प्रतिशत बढीले घटेको छ । युनियन हाइड्रोपावर, घलेम्दी, कालिका पावर, र रिडी हाइड्रोपावरको शेयरमा लगानी गरेकाले पनि आजको बजारबाट गुमाएका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।