शेयर बजारमा उत्साहजन कारोबार, नेप्सेमा भने सामान्य करेक्शन

दशैंपछिको दोस्रो कारोबार दिन शेयर बजारमा उत्साहजन कारोबार भएको छ । बुधबारको उच्च अंकले बढेको दिनको तुलनामा बिहीबार नेप्सेमा सामान्य करेक्शन भएको बजारमा पनि कारोबार रकम ३१ करोडले वृद्धि हुँदै ३ अर्ब ३ करोड बढीको शेयर किनबेच भएको हो ।

आज १९२ कम्पनीका १ करोड ३ लाख ६५ हजार ६ं७ कित्ता शेयर ४१ हजार ९०९ पटक खरीद बिक्री हुँदा कारोबार रकम ३ अर्ब ३ करोड ७६ लाख ९४ हजार ८४५ रुपैयाँ पुगेको छ ।

कारोबारमा आएका १२ उपसमूहका परिसूचकमध्ये ६ वटा सकारात्मक भएका छन् भने ६ वटा ऋणात्मक बनेका छन् । ब्यापार उपसमूहको सूचक १.३७ प्रतिशतले बढेको छ भने उत्पादनमूलक सूचक १.१३ प्रतिशतले घटेको छ ।

• प्राइम कमर्सियल बैंकको उच्च कारोबार

बिहीबार प्राइम कमर्सियल बैंकको उच्च कारोबार भएको छ । आज बैंकको १३ करोड ७८ लाख रुपैयाँको शेयर कारोबार भएको हो ।

यसैगरी प्रभु बैंकको १३ करोड ५९ लाख, एनएमबि बैंकको १२ करोड ३६ लाख, ग्लोबल आइएमई बैंकको १२ करोड ९ लाख, एनआईसी एशिया बैंकको ११ करोड ८२ लाख, नेपाल बैंकको १० करोड २९ लाख, र शिवश्री हाइड्रोपावरको १० करोड १५ लाख रुपैयाँको शेयर खरीद बिक्री भएको छ ।

यसैगरी कुमारी बैंकको ८ करोड २१ लाख, सिटिजन्स बैंकको ७ करोड १७ लाख र सिभिल बैंकको ६ करोड ६५ लाख रुपैयाँको शेयर कारोबार भएको छ ।

• दुई कम्पनीको शेयरमूल्यमा सकारात्मक सर्किट

आजको बजारमा दुई कम्पनीको शेयरमूल्यमा सकारात्मक सर्किट लागेको छ । आजबाटै कारोबार खुलेको शिवश्री हाइड्रोपावर कम्पनी र नेपाल फाइनान्सको शेयरमूल्यमा सर्किट लागेको हो ।

यसैगरी बिहीबारको बजारमा मिथिला लघुवित्त, दिब्यश्वरी हाइड्रोपावरको शेयरमूल्य पनि ५ प्रतिशत धेरैले बढेको छ । हिमालयन उर्जा, माउन्टेन हाइड्रोपावर, रिडी हाइड्रोपावर, नेपाल सेवा लघुवित्त, एचआईडिसिएल, र नाडेप लघुवित्तको शेयरमूल्य पनि ३ प्रतिशत बढीले बढेको छ ।

• यस्ता छन् गुमाउने कम्पनी

आजको बजारमा नेपाल इन्भेष्टमेन्ट बैंकको संस्थापक, सिन्धु विकास बैंक, श्री इन्भेष्टमेन्ट एण्ड फाइनान्सको शेयरमूल्य ३ प्रतिशत धेरैले बढेको छ ।

युनाइटेड मोदी हाइड्रोपावर, कुमारी बैंक, लक्ष्मी बैंक, एनआईबिएल प्रगति फण्ड, शिवम् सिमेन्टस्, जनरल इन्स्योरेन्स र अरुण भ्याली हाइड्रोपावर कम्पनी पनि आजको बजारमा शीर्ष गुमाउने दश कम्पनीभित्र समेटिएका छन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।