बुधबार सुनको मूल्य घट्यो, चाँदीमा भने वृद्धि

बुधबार सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुन तोलामा १०० रुपैयाँले घटेको हो । तिहारपछि आज पहिलो पटक सुनचाँदीको भाउ निर्धारण गरिएको हो ।

महासंघका अनुसार बुधबार छापावाल सुनको मूल्य ९५ हजार १०० रुपैयाँ, तेजावी सुनको मूल्य प्रतितोला ९४ हजार ६०० रुपैयाँ र चाँदी तोलाको १ हजार २३० रूपैयाँ निर्धारण गरिएको छ ।

बुधबार सुनको मूल्यमा सामान्य गिरावट देखिएपनि चाँदीके भाउ भने तोलामा १० रुपैयाँले वृद्धि भएको हो ।

तिहारअघि कार्तिक २८ गते शुक्रबार छापावाल सुन तोलाको ९५ हजार २०० रुपैयाँ, तेजावी सुन ९४ हजार ७०० रुपैयाँ र चाँदी १ हजार २२० रुपैयाँमा कारोबार भएको थियो ।

नेपालीहरुको दोस्रो ठूलो चाड तिहारका कारण यसबीचमा भने सुनचाँदीको भाउ नतोकिएको महासंघले जनाएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।