नेप्से फेरि १ हजार ८०० बिन्दुमाथि, ८ कम्पनीको शेयरमूल्यमा सकारात्मक सर्किट

शेयर बजार सूचक माप कनेप्से फेरि १ हजार ८०० बिन्दुमाथि पुगेर बन्द भएको छ । मंगलबार होटल बाहेक कारोबारमा आएका ११ उपसमूहका सूचक सकारात्मक हुँदा नेप्से २९.६८ अंक (१.६७ प्रतिशत) ले बढेर १ हजार ८१० दशमलव ११ बिन्दुमा बन्द भएको हो ।

आज १९६ कम्पनीका १ करोड १७ लाख ४८ हजार ५२० कित्ता शेयर ५ अर्ब ४४ करोड २९ लाख ५० हजार १८९ रुपैयाँमा खरीद बिक्री भएका छन् । यस्तै सेन्सेटिभ इन्डेक्स ४.४२ अंकले बढेर ३४९.३७ बिन्दुमा पुगेको छ ।

आज कारोबारमा आएका ८ कम्पनीको शेयरमूल्यमा सकारात्मक सर्किट लागेको छ । बोटलर्स नेपाल तराई, हिमालयन डिष्टिलरी, बिशाल बजार कम्पनी, आँखुखोला हाइड्रोपावर, मल्टिपपर्स फाइनान्स, अजोड इन्स्योरेन्स, ङादी ग्रुप पावर, नेको इन्स्योरेन्स शेयरमूल्यमा सकारात्मक सर्किट लागेको हो । नेशनल माइक्रोफाइनान्स, र पोखरा फाइनान्सको पनि ८ प्रतिशत धेरैले मूल्य बढेको छ ।

• एनआईसी एशिया बैंकको उच्च कारोबार

आजको बजारमा एनआईसी एशिया बैंकको उच्च कारोबार भएको छ । बैंकको १९ प्रतिशत बोनस शेयर सुरक्षित गर्ने आज अन्तिम भएका कारण कारण कारोबार रकमका आधारमा पहिलो स्थानमा आएको हो । बैंकका ५ लाख ३८ हजार कित्ता शेयर ३७ करोड ३३ लाख रुपैयाँमा खरीद बिक्री भएका छ ।

यसैगरी नेपाल टेलिकम, नेपाल रि इन्स्योरेन्स कम्पनी, हिमालयन डिष्टिलरी, नेको इन्स्योरेन्स, नेशनल लाइफ इन्स्योरेन्स, नेपाल बैंक, शिवम् सिमेन्टस्, र शिखर इन्स्योरेन्सको पनि उच्च कारोबार भएको छ ।

• सोल्टीका लगानीकर्ताले गुमाए

आजको बजारमा सोल्टी होटलको शेयरमा लगानी गरेका लगानीकर्ताले गुमाएका छन् । होटलको शेयर ३.२० प्रतिशतले घटेर २१२ मा झरेको छ । यस्तै सप्तकोशी डेभलपमेन्ट बैंकको पनि ३ प्रतिशत बढीले मूल्य घटेको छ ।

जानकी फाइनान्स, युनिलिभर नेपाल, अपि पावर, एभरेष्ट इन्स्योरेन्सको , गणपति माइक्रोफाइनान्स, हिमालयन बैंक, नेपाल फाइनान्स, र सानिमा इक्वीटी फण्डको इकाईमूल्य पनि घटेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।