नेप्सेमा ५० करोड १९ लाख कित्ता धितोपत्र सूचीकृत

नेपाल स्टक एक्सचेञ्जमा यस साता ५० करोड १९ लाख ५६ हजार ३५६ कित्ता धितोपत्र सूचीकृत भएको छ । जसमध्ये ३ वटा प्राथमिक निष्काशन (आईपीओ) र दुई कम्पनीको बोनस शेयर तथा एक कम्पनीको हकप्रद शेयर छ ।

नेप्सेका अनुसार राष्ट्र बैंकका तीनवटा विकास ऋणपत्रहरु सूचीकृत भएको छ । विकास ऋणपत्र २०८६ ‘घ’ को २० करोड कित्ता, विकास ऋणपत्र २०८७ ‘घ’ को २० करोड र विकास ऋणपत्र २०८४ ‘घ’ को १० करोड कित्ता ऋणपत्र सूचीकृत भएको हो ।

त्यसैगरी नारायणी डेभलपमेन्ट बैंकको २ लाख १८ हजार ७ सय ८६ कित्ता बोनस, नेरूडे लघुवित्त वित्तीय संस्थाको ५ लाख ९६ हजार ४ सय ७० दशमलव ५ कित्ता बोनस र सिभिल लघुवित्तको ११ लाख ४१ हजार १४० कित्ता हकप्रद शेयर सूचीकृत भएको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।