घरपालुवा जनावरको खाना उत्पादन गर्ने कम्पनी हिमालयन डगच्यु संसारकै उत्कृष्ट ब्राण्ड

वल्र्ड ब्राण्ड फोरम (बिश्व ब्रान्डिङ मञ्च)को अष्ट्रियामा भएको विश्व घरपालुवा जनावरहरुको खाना उत्पादन गर्ने कम्पनीका प्रतिष्पर्धामा नेपाली कम्पनी हिमालयन डगच्यु पहिलो भएको छ ।

वेलायतको लन्डनमा मुख्य कार्यालय रहेको यस कम्पनीले प्रत्येक वर्ष विश्वका घरपालुवा जनावरहरुको खानाको उद्योगहरुको गर्ने विभिन्न ब्राण्डहरुको प्रतिस्पर्धामा यस पटक अष्ट्रियाको राजधानी भिएनास्थित राष्ट्रपती भवनमा भएको थियो ।

कार्यक्रममा वल्र्ड ब्राण्ड फोरम (बिश्व ब्रान्डिङ मञ्च)का अध्यक्ष रिचार्ड रोवल्स र सिइओ पेटर पेकले हिमालयन डगच्युका अध्यक्ष्य सुजनकुमार श्रेष्ठ र निर्देशक निशेस श्रेष्ठलाई अवार्डबाट सम्मानित गरिएको थियो ।

विभिन्न ४० विधामा गरिएको प्रतिस्पर्धामा हिमालयन डगच्युको घरपालुवा जनावरहरुको खानाको न्याचुरल ट्रिट्स क्याटवोरी मा २०१९–२० को एनिमल एडिसनमा उत्कृष्ट हुन सफल भएको छ । अमेरिका, चिन, रसिया, वेलायत, जर्मन, भारतलगायतका एक सय पचास भन्दा वढी देशका सहभागिता रहेको थियो । ३० लाख भन्दा वढी उद्योगले ४० विधामा प्रतिष्पर्धा भएको थियो ।

कम्पनीका प्रमुख कार्यकारी अधिकृत सुमन श्रेष्ठले यस अवार्डले विश्वलाई नेपाली कम्पनीको विश्वस्तियता र गुणस्तरको विश्वास दिलाउन सफल भएकोमा आफु र आफ्ना कर्मचारीहरु झन उत्साहित भएको वताए । १५वर्ष अघिको सपना यस अवार्डले पूरा गर्न तर्फ मद्धत गरेको भन्दै आगामी दिनमा अझ मेहनत गर्दै जाने समेत वताए ।

सन २००३ मा नेपाली छुर्पीलाई अमेरिका लगी कुकुरको खाना उत्पादन गर्न अध्ययन गरेको थियो । सन् २००७ वाट व्यवसायीक रुपमा आफ्ना उत्पादन बजारमा ल्याएको थियो । सुमन श्रेष्ठ, निशेस श्रेष्ठ र सुजनकुमार श्रेष्ठले अमेरिकामा सुरु गरेको यस व्यवसाय हाल अमेरिका, जापान, क्यानडालगायतका देशमा कुकुरको खाना उत्पादन गरि निर्यात गर्दै आएको छ ।