लघुवित्तको शेयरमूल्यमा चम्कँदै गर्दा ३३ को लाभांश घोषणा हुन अझै बाँकी

मंगलबार लघुवित्त कम्पनीहरुको शेयरको उच्च माग भएर शीर्ष शेयरमूल्य बढ्ने दश कम्पनीभित्र आठ कम्पनी लघुवित्त समेटिँदा नेपाल स्टक एक्सचेञ्जमा सूचीकृत ३३ लघुवित्त कम्पनीहरुको लाभांश घोषणा हुन अझै बाँकी देखिएको छ ।

लाभांश घोषणा गर्न बाँकी लघुवित्तहरुमा अघिल्लो आवबाट सबैभन्दा धेरै (८५ प्रतिशत) लाभांश वितरण गरेको नेशनल माइक्रोफाइनान्स सहित अन्य ३२ कम्पनी रहेका छन् ।

• हेर्नुहोस् यी हुन् लाभांश घोषणा गर्न बाँकी लघुवित्त

हालसम्म १६ लघुवित्त कम्पनीहरुले गत आव २०७६/७७ बाट शेयरधनीलाई वितरण गर्ने लाभांश घोषणा गरेका छन् । जसमा सबैभन्दा धेरै ३० प्रतिशत लाभांश सहिहत वोमी माइक्रोफाइनान्स कम्पनी शीर्ष स्थानमा रहेको छ ।

यसैगरी छिमेक र ग्लोबल आईएमई लघुवित्त क्रमशः दोस्रो र तेस्रो स्थानमा रहँदा आरएसडिसी र मिर्मिरे लघुवित्तले समान १२.६३ प्रतिशतको प्रतिफल वितरण गर्ने प्रस्ताव गरेका छन् ।

फस्ट माइक्रोफाइनान्स र आरएमडिसी लघुवित्तले साधारण सभा सम्पन्न गरिसक्दा मर्जर प्रकृयामा रहेको समता लघुवित्तले पुस ५ गते शेयर दाखिला खारेजी र पुस १४ गते सातौं वार्षिक साधारण सभा आह्वान गरेको छ । अन्य लघुवित्तले लाभांश घोषणा गरेपनि बुुकक्लोज मिति भने तोकिसकेका छैनन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।