माउन्टेन इनर्जीको शेयरमूल्यमा दोस्रो दिन पनि सकारात्मक सर्किट ब्रेक

नेपाल स्टक एक्सचेञ्ज (नेप्से) मा बुधबारदेखि शेयर कारोबार खुला भएको माउन्टेन इनर्जी नेपालको शेयरमूल्यमा दोस्रो कारोबार दिन बिहीबर पनि सकारात्मक सर्किट लागेको छ ।

दोस्रो बजारमा भर्खरै कारोबार खुलेकाले न्यून आपूर्ति तथा कम्पनीको शेयरको माग उच्च मागका कारण कम्पनीको शेयर खरीद गर्न लगानीकर्ता लालायित भएका हुन् ।

बिहीबार कम्पनीको १६७ वटा कारोबारमा नै सकारात्मक सर्किट लागेको हो । बिहीबार कारोबार समयमा नै ५ प्रतिशत हाराहारीमा बढेको कम्पनीको शेयरमूल्य कारोबारको डेढ घण्टामा समेत नेप्सेको मार्केट डेप्थमा उच्च माग देखिएको छ ।

बिहीबार १२ः३० माउन्टेन इनर्जी नेपालको शेयर खरीदका लागि सर्किट मूल्यमा नै २४८ वटा अर्डर मार्फत ७० हजार ३४४ कित्ता माग देखिएको छ । कम्पनीको शेयर खरीदका लागि कुल ७९ हजार ९९० कित्ताको माग देखिएको छ ।

कम्पनीको आईपीओलाई केयर रेटिङ नेपालले ‘केयर एनपी ग्रेड ४ प्लस रेटिङ’ प्रदान गरेको छ । यसले कम्पनीको वित्तीय अवस्था औसतभन्दा कमजोर रहेको जनाउँछ ।

कम्पनीले हाल नुवाकोट जिल्लाको सुन्दरादेवी गाउँपालिकामा पाँच मेगावाटको तादी खोला (थप्रेक) जलविद्युत् आयोजना तथा म्याग्दी जिल्लाको नारच्याङ गाउँपालिकामा ४२ मेगावाटको मिस्ट्रीखोला जलविद्युत् आयोजना निर्माण गरिरहेको छ ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।