ग्लोबल आइएमई लघुवित्तले एजिएमबाट स्पर्स लघुवित्तसँगको शेयर स्वाप अनुपात स्वीकृत गर्ने

ग्लोबल आइएमई लघुुवित्त वित्तीय संस्था (GILB) को आठौं वार्षिक साधारण सभाले स्पर्श लघुवित्त वित्तीय संस्थालाई प्राप्ति गर्न गर्ने प्रकृयालाई मूर्त रुप दिने भएको छ । दुवै संस्थाको सञ्चालक समितिको आपसी समझदारीको आधारमा संयुक्त प्राप्ति समितिबाट निर्धारित शेयर स्वाप अनुपात पारित गर्ने भएको हो ।

ग्लोबल आइएमई लघुविक्त वित्तीय संस्थाको १ कित्ता शेयर बराबर स्पर्स लघुवित्तको ०.९० कित्ता कायम हुने गरी गरिएको शेयर स्वाप अनुपात लगायतका प्रस्तावलाई पारित गर्न लघुवित्तले पुस २९ गते बुधबार साधारण सभा डाकेको छ ।

सञ्चालक समितिको पुस ७ गते मंगलबार सम्पन्न बैठकले पुस २९ गते बिहान ९ बजे गेट वे हिमालय रिसोर्ट, बेसिशहर लमजुङमा सभा आयोजना गर्ने निर्णय गरेको हो ।

कोरोना भाइरस महामारीका कारण सरकारले तोकेको मापदण्ड बामोजिम भर्चुअल माध्यमबाट साधारण सभा सञ्चालन हुने कम्पनीले जनाएको छ ।
सभाले सञ्चालक समितिले प्रस्ताव गरेको आर्थिक वर्ष २०७६/७७ को मुनाफाबाट चुक्ता पूँजीको २७.४७ प्रतिशत बोनस शेयर र कर प्रयोजनका लागि १.४५ प्रतिशत नगद लाभांश वितरण गर्ने सञ्चालक समितिको प्रस्तावलाई अनुमोदन गर्नेछ ।

यसैगरी कम्पनीको अधिकृत पुँजी वृद्धि गर्ने प्रस्ताव र सञ्चालकको भत्ता र सुविधा वृद्धि गर्ने प्रस्ताव पनि सभामा समावेश छन् ।

लाभांश वितरण तथा साधारण सभा प्रयोजनको लागि लघुवित्तले पुस १५ गते बुधबार एक दिन शेयर दर्ता किताब बन्द रहने जनाएको छ । यसअनुसार पुस १४ गते मंगलबारसम्म नेप्सेमा शेयर कारोबार भई कायम हुन आउने शेयरधनी मात्र साधारण सभामा सहभागि हुन पाउनुका साथै लाभांश पाउन योग्य हुनेछन् ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।