घट्दो बजारमा पनि यी कम्पनीको शेयरमा लगानी गरेकाले कमाए

शेयर बजार परिसूचक मापक नेप्से लगातार दोस्रो दिन ऋणात्मक भएपनि मंगलबारको बजारमा ७ कम्पनीको शेयरमूल्य सकारात्मक सर्किट नजिक बढेको छ । धेरै शेयरमूल्य बढ्ने कम्पनीमा धेरै जलविद्युत उपसमुहमा सूचीकृत कम्पनी अगाडि देखिएका छन् ।

मंगलबार जनउत्थान सामुदायिक लघुवित्त, नारायणी डेभलपमेन्ट बैंक, हिमाल दोलखा हाइड्रोपावर, रिडी हाइड्रोपावर, जोशी हाइड्रोपावर, आँखुखोला हाइड्रोपावर र घलेम्दी हाइड्रोपावरको शेयरमा लगानी गनेृ लगानीकर्ताले कमाएका हुन् । ७ वटै कम्पनीको शेयरमूल्य ९ प्रतिशत धेरैले बढेको छ ।

यसैगरी आइतबारदेखि कारोबार खुलको प्रभु लाइफकाके ८.९७ प्रतिशत, गणपति माइक्रोफाइनान्सको ८.५९ प्रतिशत, र माउन्टेन हाइड्रोपावरको शेयरमूल्य ८.२४ प्रतिशतले बढेको छ ।

आजको बजारमा साल्ट ट्रेडिङ्गको शेयरमा लगानी गरेका लगानीकर्ताले सबैभन्दा धेरै ६.१६ प्रतिशत अर्थात ४२५ रुपैयाँले गुमाएका छन् । कम्पनीको शेयरमूल्य ६ हजार ४७० मा झरेको छ ।

यस्तै राष्ट्रिय बीमा कम्पनी संस्थापक, हिमालयन डिष्टिलरी, बिशाल बजार कम्पनिी, नेशनल माइक्रोफाइनान्स लगायत उच्च शेयरमूल्य हुने कम्पनीको शेयरमा लगानी गर्ने लगानीकर्ताले पनि मंगलबारको बजारबाट गुमाएका छन् ।

आईसीएफसी फाइनान्स, विजय लघुवित्त, साधना लघुवित्त, सोल्टी होटल र युनाइटेड फाइनान्स शीर्ष शेयरमूल्य घट्ने दश कम्पनीमा समेटिएका छन् ।

आज कुल २०६ कम्पनीको शेयर कारोबारमा आएकोमा ११० कम्पनीको शेयरमूल्य बढेको छ भने ८४ कम्पनीको शेयरमूल्य घटेको छ । १२ कम्पनीको शेयरमूल्य स्थीर रह्यो ।

समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ।